ماڈل ٹاؤن لہور

آزاد انسائیکلوپیڈیا، وکیپیڈیا توں

ماڈل ٹاؤن لہور پنجاب پاکستان دا مشہور تے مہنگا رہائشی علاقہ اے۔ ایس علاقے دی تمیر نقشے دے سعاب نال کیتی گئی اے۔ ایس علاقے نوں دس بلاکاں چ وکھ کیتا گیا اے۔ ایدے نیڑے ای گلبرگ تے فیصل ٹاؤن دے علاقے ھیگے نیں۔

انتظام[سودھو]

ایس علاقے دا انتظام پہلے ماڈل ٹاؤن سوسائٹی دے کول سی تے کج وریاں توں ہون آلی تبدیلیاں دی وجہ توں اے مشترکہ انتظامی سوسائٹی بن چکی اے۔ ہن اے نیم سرکاری تے نیم خود مختار علاقہ اے۔

رقبہ[سودھو]

ایس علاقے دا رقبہ 1463 ایکڑ (9۔5 مربع کلومیٹر) تے ابادی اک لکھ لوکاں تے مشتمل اے۔ اے علاقہ اپنے منفرد تمیری ڈیزائن تے ابادی دی وجہ توں شہر دے پوش علاقےآں چ شمار کیتا جاندا اے۔

بازار[سودھو]

ہر بلاک دا اپنا بازار مارکیٹ تے پارک اے۔ تے ایتھے ہر قسم دی خریداری کیتی جاندی اے۔ ایتھے ماڈل ٹاؤن لنک روڈ دے ناں توں پڑی مشہور سڑک اے جتھے دیسی بدیسی شیواں دیاں دکاناں نیں۔

مشہور شخصیتاں[سودھو]

ماڈل ٹاؤن چ پاکستان دے مشہور لوکاں دی رہائش اے۔ کرکٹ دے ستارے آں چوں رمیز راجہ، وسیم اکرم، اعجازالحق تے ٹینس دے مشہور کھڈاری اعصام الحق شامل نیں۔ ایس علاقے چ کئی سیاسی پارٹیاں دے سربراہاں تے پاکستان فلم انڈسٹری دے مشہور اداکاراں تے گلوکاراں دی رہائش اے۔ پیپلز پارٹی دی سربراہ بینظیر بھٹو دی رہائش 'بلاول ہاؤس' وی ایس علاقے چ اے۔

تلیمی ادارے[سودھو]

ایس علاقے چ کئی مشہور سرکاری تے غیر سرکاری تلیمی ادارے نیں جناں چ بیکن ہاؤس، لہور گرامر سکول، ہمدرد پبلک سکو شامل نیں۔

بارلے جوڑ[سودھو]