ممتاز دولتانا

وکیپیڈیا توں
(لیایا گیا ممتاز دولتانہ)
Jump to navigation Jump to search

ممتاز دولتانا پاکستان دا اک سیاستدان تے پنجاب دا وزیر اعلا سی ۔ ممتاز دولتانا میاں احمد یار خان دولتانا دا پتر سی اوہ 20 فروری 1916 نوں ضلع وہاڑی لُڈن وچ جمیا ۔ گورنمنٹ کالج لہور توں گریجویشن کیتی 1933 وچ آکسفورڈ یونیورسٹی پڑھن گیا تے 1938 وچ وکالت دا امتحان پاس کیتا۔ واپس آکے سیاست وچ پے گیا 1942 وچ مسلم لیگ وچ آگیا۔ 1946 دی چنوتی وچ مسلم لیگ دے ٹکٹ تے جتیا تے پاکستان بنن مگروں بنن والی پنجاب سرکار وچ فنانس منسٹر لگیا۔ 27 مئی 1948 نوں پنجاب دے وزیراعلا افتخار حسین ممدوٹ نال کھچاء ہون باجھوں وزارت چھڈ دتی ۔ مارچ 1951 دے الیکشن وچ ممتاز 166 ووٹ لے کے پنجاب دا وزیراعلا بن گیا۔ اوہ 3 اپریل 1953 تک پنجاب دا وزیراعلا رہیا۔ 1957 وچ ابراہیم اسماعیل چندریگر دی تھوڑے چِر لئی بنن والی حکومت وچ اوہنوں پاکستان دا وزیر دفاع بنایا گیا۔ اوہ ایوب خان دے مارشل لا دے خلاف سی ۔ اوہدی بھتیجی تہمینا دولتانا قومی اسمبلی دی ممبر رہ چکی اے ۔ ممتاز دولتانا دی موت 30 جنوری 1995 نوں ہوئی ۔