شہباز شریف

شہباز شریف
(اردو وچ: مِیاں مُحَمَّد شَہْباز شَرِیف)
جم	23 ستمبر 1951 (74 سال)  لہور
وفات
شہریت	پاکستان
جماعت	مسلم لیگ ن
شریک حیات	تہمینہ درانی
اولاد	حمزہ شہباز شریف
والد	میاں محمد شریف
بہن/بھائی	نواز شریف
خاندان	شریف خاندان
مناصب
وزیر اعلیٰ پنجاب
دفتر وچ ۲۰ فروری ۱۹۹۷  – ۱۲ اکتوبر ۱۹۹۹
میاں محمد افضل حیات   چوہدری پرویز الاہی
وزیر اعلیٰ پنجاب
دفتر وچ ۸ جون ۲۰۰۸  – ۲۶ مارچ ۲۰۱۳
دوست محمد کھوسہ   نجم سیٹھی
صدر پاکستان مسلم لیگ (ن)
دفتر وچ ۲۰۰۹  – ۲۰۱۱
نثار علی خان   نواز شریف
وزیر اعلیٰ پنجاب
دفتر وچ ۷ جون ۲۰۱۳  – ۸ جون ۲۰۱۸
نجم سیٹھی   حسن عسکری
صدر پاکستان مسلم لیگ (ن)
آغاز منصب ۱۳ مارچ ۲۰۱۸
نواز شریف
وزیراعظم پاکستان (23  )
دفتر وچ ۱۱ اپریل ۲۰۲۲  – ۱۳ اگست ۲۰۲۳
عمران خان   انورالحق کاکر
وزیراعظم پاکستان
آغاز منصب ۳ مارچ ۲۰۲۴
انورالحق کاکر
عملی زندگی
مادر علمی	سینٹ انتھونی ہائی اسکول گورنمنٹ کالج لہور
پیشہ	سیاست دان
مادری زبان	پنجابی
پیشہ ورانہ زبان	پنجابی
کل دولت	1500000 ڈالر
دستخط
ویب سائٹ
ویب سائٹ	باضابطہ ویب سائٹ
	IMDB اُتے صفحات

شہباز شریف، اک پاکستانی سیاست دان اے۔ او 3 واری پنجاب دا وزیر اعلا بݨیا۔ پہلی واری فروری 1997ء توں لے اکتوبر 1999ء تک، دوجی وری جون 2008ء توں مارچ 2013ء تک تے تیجی واری جون 2013ء توں مئی 2018ء تک وزیر اعلا پنجاب رہیا۔ اگست 2018ء توں اپریل 2022ء تک قومی اسمبلی وچ اپوزیشن لیڈر رہیا۔ 11 اپریل 2022ء نوں وزیر اعظم بݨیا تے 14 اگست 2023ء تک عُہدے اُتے فائز رہیا۔

اوہدا وڈا بھراء نواز شریف اے۔ اوہدا پُتر حمزہ شہباز وی متحرک سیاستدان اے۔ شہباز شریف دا تعلق مسلم لیگ ن نال اے۔

نِجی زندگی

شہباز 23 ستمبر 1951 ء نوں لہور، پنجاب، پاکستان وچ پیدا ہویا۔ اوہدا والد، محمد شریف، اک اعلیٰ متوسط ​​طبقے دا تاجر تے صنعت کار سی۔ شہباز نے سینٹ انتھونی ہائی سکول لہور توں تعلیم حاصل کیتی۔

شہباز نے گورنمنٹ کالج یونیورسٹی لہور سے بیچلر آف آرٹس دی ڈگری حاصل کیتی۔ گریجویشن توں بعد، اوہنے اپݨے خاندان دے ملکیتی اتحاد گروپ وچ شمولیت اختیار کیتی۔ اوہ 1985ء وچ لہور چیمبر آف کامرس اینڈ انڈسٹری دا صدر مُنتخب ہویا۔

شادیاں

اوہدی پہلی شادی اوہدے والد دی اجازت نال 1973ء وچ اوہدی کزن نُصرت نال ہوئی جیہدے وِچوں اوہدے دو پُتر حمزہ شہباز تے سلمان شہباز تے تن دھی آں جمیاں۔ حمزہ شہباز سیاست دان اے تے مِمبر صوبائی اسمبلی، قومی اسمبلی تے وزیر اعلا پنجاب رہ چُکیا اے۔ شہباز نے 1993ء وچ دوسری شادی عالیہ ہنی نال کیتی جیہدے وِچوں اوہدی اک دھی خدیجہ جمی۔ اوہنے عالیہ ہنی نوں جلاوطنی دے دور وچ سعودی عرب وچ طلاق دے دِتی سی۔ شہباز شریف نے تیسری شادی تہمینہ درانی نال کیتی جیہڑی پہلاں غلام مصطفا کھر نال ویاہی سی۔ ایہناں توں علاوہ وی مبینہ طور تے اوہدیاں شادیاں ہوئیاں نیں۔

وزارت اعلا پنجاب

شہباز شریف تن وار وزیر اعلا پنجاب رہیا۔

پہلی وزارت اعلا

پہلی وار فروری 1997ء نوں وزیر اعلا پنجاب بݨیا تے 12 اکتوبر 1999ء نوں پرویز مشرف دی فوجی بغاوت تک وزیر اعلا رہیا۔

دوجی وزارت اعلا

دوجی وار جون 2008ء نوں وزیر اعلا بݨیا تے مارچ 2013ء تک عُہدے اُتے فائز رہیا۔

تیجی وزارت اعلا

تیجی وار جون 2013ء نوں وزیر اعلا بݨیا تے مئی 2018ء تک وزیر اعلا دے عُہدے اُتے فائز رہیا۔

وزارت عُظما

عمران خان دے خلاف تحریک عدم اعتماد کامیاب ہوݨ مگروں شہباز کثیر جماعتی اتحاد دی مدد نال 11 اپریل 2022ء نوں وزیر اعظم بݨیا تے 14 اگست 2023ء تک عُہدے اُتے فائز رہیا۔

حوالے