چوہدری پرویز الاہی

چوہدری پرویز الاہی
جنمستھان :	گجرات, پنجاب
جمن دیہاڑ :	1 نومبر 1945
کم :	سیاستدان
تعلیم :	بی ۔ اے
مذہب :	اسلام
سیاسی جماعت :	مسلم لیگ ق
سیاسی عہدا :	صدر مسلم لیگ ق
وزیراعلاا پنجاب :	25 نومبر 2002 - 17 نومبر 2007
دوجی وار وزیراعلاا پنجاب :	27 جولائی 2022 -
رہائش:	گجرات، لہور
پیو:	منظور الاہی

چوہدری پرویز الاہی اک پنجابی پاکستانی سیاست دان تے پنجاب دے وزیر اعلا نیں ۔ اوہ مسلم لیگ ق پنجاب دے صدر نیں ۔ اوہناں دے والد دا ناں چوہدری منظور الاہی اے ۔ چوہدری پرویز الاہی پنجاب دے ضلع گجرات دے جٹ نیں ۔

مُڈھلا جیون

چوہدری پرویز الاہی دا جنم 1 نومبر1945 نوں ہویا ۔ اوہناں دا جنمستھان گجرات (پنجاب) اے ۔ اوہناں نے ایف سی کالج لہور توں بی اے کیتا ۔

وزیراعلا پنجاب

چوہدری پرویز الاہی نومبر 2002 توں نومبر 2007 تک 5 ورھیاں لئی پنجاب دے وزیراعلا رہے ۔ اوہناں نے اپݨی وزارتِ اعلا وچ پنجاب نوں چوکھی ترقی دتی ۔ اوہناں دے مشہور کماں وچ ریسکیو 1122 دا قیام، پیݨ آلے پاݨی دے فلٹریشن پلانٹس دی تنصیب، ہسپتالاں دا قیام، ہسپتالاں وچ مفت دوائیاں دی فراہمی، پہلی توں 10 ویں جماعت تک مفت تعلیم، کتاباں دی فراہمی تے مختلف سرکاری کھیتراں وچ اصلاحات شامل نیں ۔

سپیکر پنجاب اسمبلی

پرویز الاہی پہلی واری 20 فروری 1997 توں 12 اکتوبر 1999 تک پنجاب اسمبلی دے سپیکر رہے ۔ دوجی واری 16 اگست 2018 نوں پنجاب اسمبلی دے سپیکر بݨے تے دوجی واری وزیر اعلا پنجاب بݨݨ تے ایہ عہدا چھڈ دتا ۔

دوجی وار وزیراعلا پنجاب

چوہدری پرویز الاہی دوجی واری 27 جولائی 2022 نوں تحریک انصاف دے اتحاد نال پنجاب دے وزیراعلا بݨ گئے ۔