مہتاب سنگھ بھنگو

مہتاب سنگھ بھنگو
جم
وفات

مہتاب سنگھ (۱۷۱۰-۱۷۴۰) جو کہ پنڈ میرانکوٹ دا رہن والے بھنگو گوت دے جٹّ سکھ سن۔ مہتاب سنگھ تے بھائی تارو سنگھ آپس 'چ بھوآ تے مامے دے پتر سن۔ سکھا سنگھ کلسی تے بھائی مہتاب سنگھ نے دربار صاحب تے ظلم تے منمانیاں کرن والے مسے رنگھڑ دا سر لاہ کے بدلہ لیا۔

مسا رنگھڑ دا سر

۱۷ویں صدی 'چ جدوں مغلاں نے سکھاں دے سراں دے ملّ پاؤنے شروع کر دتے سن تے ایہناں ظلماں توں تنگ آ کے سنگھاں نے جنگلاں، ماروتھلاں، بیلیاں وچ جا ٹکانا کیتا سی۔ سن ۱۷۴۰ وچ زکریا خان نے مسے رنگھڑ نوں جنڈیالے دا چودھری نامزد کر دتا۔ سن ۱۷۴۰ وچ سکھاں دے مذہبی استھان سچکھنڈ سری ہرمندر صاحب 'تے مسے رنگھڑ نے قبضہ کر لیا تے اندر منمانیاں کرن لگا۔ اپنی ہینکڑ اتے زکریا خان نوں خوش کرن لئی مسے نے دربار صاحب وکھے شراب اتے تمباکو دے کھلے دور چلائے تے کنجریاں دے ناچ نچاؤنے شروع کر دتے جس کارن سکھاں دے دل ولوندھرے گئے مسے خلاف غصے دی لہر دوڑ گئی۔ اس دا بدلہ لین بھائی مہتاب سنگھ اتے سکھا سنگھ کلسی جو پنڈ ماڑی کمبوکی دا رہن والا سی، نے ستمبر نوں نمبرداراں دے بھیس وچ آ کے مسے رنگھڑ دا سر وڈھیا تے نیزے تے ٹنگ کے تلونڈی صابو ہندے ہوئے شام تک بیکانیر لے گئے تے دربار سہب نوں ظالماں توں آزاد کروایا۔

موت

مہتاب سنگھ نوں گرفتار کرکے لاہور لجایا گیا تے تارو سنگھ دی موت توں دو دن بعد مسے رنگھڑ دی موت بدلے لاہور وچ جولائی ۱۷۴۵ وچ چرکھڑی 'تے چاڑھ کے موت دے گھاٹ اتاریا گیا۔

حوالے