مہکاں پنجابی ادبی بورڈ
مہکاں پنجابی ادبی بورڈ، ساہیوال، پنجاب، پاکستان وچ قائم اک رجِسٹرڈ پنجابی سَتھ اے جیہدا مقصد پنجابی زبان تے پنجابی ادب دی ترقی لئی کم کرنا اے۔
مہکاں پنجابی ادبی بورڈ 2005ء توں پنجابی ادبی پرچہ "مہکاں" شائع کر رہیا اے۔ 2008ء توں پنجابی کتاباں اُتے ایوارڈ دیݨ دا سِلسلہ شُرُوع کیتا تے 2019ء توں ستوارا وار پنجابی اخبار "پنجابی چانن" وی شائع کر رہیا اے۔
بورڈ اس توں علاوہ انٹرنیشنل پنجابی کانفرنساں تے پنجابی مشاعرےآں سمیت ہور ادبی تے ثقافتی تقریبات دا باقاعدہ انعقاد وی کردا اے۔ ادارے دا سَبھ توں اہم مقصد پنجابی زبان دے فروغ لئی کوششاں کرنا اے۔
پروفیسر ڈاکٹر مشتاق عادل پنجابی ادبی بورڈ دے صدر نیں تے پیر احسان الحق ادریس ایہدے سرپرست نیں۔ پروفیسر ڈاکٹر مشتاق عادل بورڈ دے پنجابی ادبی پرچے "مہکاں" دے چیف ایڈیٹر وی نیں۔
اغراض و مقاصد
[سودھو]- پنجابی زبان تے پنجابی ادب دی ترقی تے وادھے لئی کم کرنا۔
- معیاری پنجابی کتاباں دے لکھاریاں دی حوصلہ افزائی لئی سالوار مہکاں پنجابی ادبی ایوارڈ دا اجراء۔
- پنجابی ادبی مشاعرےآں دا انعقاد کرنا۔
- قومی تے بین الاقوامی پدھر اُتے پنجابی کانفرنساں دا انعقاد کرنا۔
- پنجابی ثقافت دی سانبھ تے پنجابی ثقافتی تقریبات دا انعقاد۔
- پنجاب دے صوفی شاعراں دے پیغامات تے تعلیمات نوں عام کرنا۔
ہور دیکھو
[سودھو]