پنجابی ادبی بورڈ

پنجابی ادبی بورڈ (انگریزی: Punjabi Literary Board)، لہور، پنجاب، پاکستان وچ پنجابی زبان تے پنجابی ادب دے فروغ تے ترقّی لئی بݨایا گیا اک رجِسٹرڈ ادارہ اے۔

پروفیسر ڈاکٹر وحید قریشی تے ڈاکٹر شہباز ملک نے پنجابی زبان و ادب دے ودھاء تے پنجابی کتاباں دی اشاعت لئی 1960ء دے لَگ بَھگ پنجابی ادبی بورڈ بݨایا سی۔ ایہدے قیام دا مقصد کلاسیکی پنجابی ادب، پنجاب دی تاریخ، پنجابی لُغت، پنجابی لسانیات تے پنجابی گریمر دی کھوج کاری، اشاعت تے پنجابیئت دا تحفّظ کرنا اے۔

اغراض و مقاصد

1. پنجابی زبان تے پنجابی ادب دے فروغ تے ترقّی لئی کَم کرنا۔
2. کلاسیکی ادب دی کھوج کاری تے اشاعت۔
3. دوجیاں زباناں دیاں معیاری کتاباں تے مواد دا پنجابی وچ ترجمہ۔
4. پنجاب دی تاریخ اُتے مُستند کتاباں لِکھݨا تے چھاپݨا۔
5. پنجابی صُوفی شاعراں دے پیغامات تے تعلیمات نوں فروغ دیݨا۔
6. پنجابیئت نوں دَرپیش اوکڑاں دا مقابلہ کرنا۔
7. پنجابی لوکائی نوں پنجابی زبان و ادب ناݪ جوڑنا۔

دفتر

• 269-N، سمن آباد، لہور

ہور دیکھو

• پنجابی بال ادبی بورڈ
• پاکستان پنجابی ادبی بورڈ
• مہکاں پنجابی ادبی بورڈ
• پنجابی سائنس بورڈ
• پنجابی کھوج گڑھ