نگورنو قرہ باغ
داغلِک قرہ باغ دکھنی کوہ قاف ( قفقاز ) دی اک آزاد جمہوریہ اے جہڑی باضابطہ طور تے آذربائیجان چ شامل اے تے راجگھر باکو توں 270 کلومیٹر لہندے چ آرمینیا دے سرحد لاگے واقع اے ۔
ایہہ علاقہ آرمینیا تے آذربائیجان وچکار 1918ء چ روسی سلطنت توں آزادی لین دے بعد توں تنازع دی وجہ بنئیا ہوئیا اے ۔ دکھنی قفقاز چ سویت ودھاء دے مگروں 1923ء چ نگورنو کاراباخ نوں آذربائیجان دا علاقہ بنا دتا گئیا ۔ 10 دسمبر 1991ء چ سویت یونین دے ٹٹن دے بعد نگورنو کارا باخ چ ریفرینڈم کروائیا گئیا جس چ لوکاں نے آذربائیجان توں علیحدگی دے حق چ ووٹ دتا ۔ نگورنو کارا باخ نوں کسے وی عالمی تنظیم تے آرمینیا سمیت کسے وی دیس نے تسلیم نئیں کیتا ۔
اس مسئلے تے آرمینیا تے آذربائیجان وچکار جنگ وی ہوئی جس نوں نگورنو کاراباخ جنگ آکھئیا جاندا اے ، اس جنگ چ روس نے آرمینیا دی حمایت کیتی ۔
تریخ[سودھو]
سیاست[سودھو]
نکورنو کاراباخ اک صدارتی جمہوریہ اے ۔ بوہتے اختکارات صدر دے کول نیں ۔ صدر براہ راست انتخاب چ 5 سال لئی چنیا جاندا اے تے اوہ ودھ توں ودھ 2 دفعہ چنیا جا سکدا اے ۔ وزیر اعظم حکومت دا سربراہ ہندا اے تے وزیر اعظم دے علاوہ نائب وزیر اعظم تے 11 وزیر ہندے نیں ۔ صدر وزیر اعظم نوں نامزد تے لاہ سکدا اے ۔
سیاسی جماعتاں[سودھو]
نگورنو کاراباخ دی سیاست چ کئی پارٹاں دا نظام اے ، جس پاروں ووٹ ونڈے جاندے نیں تے اکثر حکومت مختلف پارٹیاں دااتحاد ہندی اے ۔
فوج[سودھو]
نگورنو کاراباخ دفاعی فوج 9 مئی 1992ء چ نگورنو کاراباخ جمہوریہ دی عام دفاعی فوج دے طور تے بنائی گئی سی ۔ ہن نگورنو کاراباخ دفاعی فوج 15 ہزار توں 20 ہزار تک تربیت یافتہ تے چنگے ہتھیاراں نال لیس افسراں تے جواناں تے مشتمل اے ۔ اس دے کول انفنٹری ، ٹینک ، آرٹلری (توپ خانہ) تے اینٹی ایئر کرافٹ سسٹم اے ۔
