ولادیمیر پوتن

وکیپیڈیا توں
جاؤ: پاندھ, کھوج
پوتن

ولادیمیر پوتن اک روسی سیاستدان اے جیڑا 7 مئی 2012 توں روس دا صدر اے۔ پوٹن پہلاں وی 2000 توں 2008 تک روس دا صدر رے چکیا اے، اس توں علاوہ اوہ 1999-2000 تک تے 2008 توں 2012 تک روس دا وزیراعظم وی رے چکیا اے۔ ولادیمیر پوتن اپنی سیاسی پارٹی یونائٹڈ رشیا دا تے روس تے بیلارس دے یونین دے منسٹراں دی کاؤنسل دا چیئرمین 2008 توں 2012 تک بنیا ریا۔

پوتن نے روسی خفیہ ایجنسی کے جی بی چ کم شروع کیتا نال ای اونے اپنے شہر سینٹ پیٹرزبرگ چ سیاست 1990 چ شروع کر دتی۔ 1996 چ ماسکو آ کے پوتن نے صدر بورس یلسن واسطے کم کرنا شروع کر دتا جتھے اوہ تیزی دے نال اگے ودیا تے 31 دسمبر 1999 چ اوہ کچا صدر بنیا جدوں صدر بورس نے اچانک نوکری چھڈ دتی۔ پوتن 2000 دی صدارتی چنوتی جت گیا تے دوبارہ 2004 چ وی جت کے روس دا صدر بن گیا۔ روس دے قنون دے مطابق کوئی وی بندہ لگاتار 3 واری صدر نئیں رہ سکدا اس واسطے اوہ 2008 دی صدارتی چنوتی چ حصہ نا لے سکیا تے 2012 چ اونے صدارتی چنوتی چ حصہ لیا تے تیجی وار روس داصدربنگیا۔