ٹائٹینک

ٹائٹینک
صانع	ہارلینڈ اینڈ وولف
آغاز خدمات	۳۱ مارچ ۱۹۱۲
اختتام خدمات	۱۴ اپریل ۱۹۱۲
لمبائی	269.1 میٹر
اونچائی	28.19 میٹر
بلندی	32 میٹر ،  53.3 میٹر

ٹائٹینک
مقام	بحر اوقیانوس
آغاز وقت	۳۱ مارچ ۱۹۰۹
متناسقات	41.7325°N 49.946944°W / 41.7325; -49.946944
[مکمل اسکرین پر]

ٹائیٹینک جہاز 10 اپریل 1912 نوں ساؤتھ ہینپٹن توں وداع ہندا ہویا

آر۔ایم۔ایس۔ ٹائیٹینک اک برطانوی سواری-بیڑا سی جو 15 اپریل، 1912 نوں تڑکسار ہی برف دے اک تودے نال بھڑن مگروں ساؤتھ ہینپٹن، یو۔کے۔ توں نیویارک شہر، یو۔ایس تک دی اپنے پہلی ہی سفر وچ شمالی بحر اوقیانوس وچ ڈبّ گیا سی۔ ایہدے ڈبن نال 1,500 لوکاں دی جان چلی گئی جو اجوکے اتہاس وچ امن دور موقعے سبھ توں مارو سمندری حادثیاں وچوں اک اے۔ ایہدی پہلی یاترا وچ اس اتے 2,224 پاندھی اتے عملہ سوار سی۔ 15 ایپرل، 1912, نوں ‘سپنیاں دا جہاز’، ‘ٹائیٹینک’، اپنے 2224 مسافراں اتے اہل کاراں نال سمندر دیاں تیہاں وچ ڈبّ گیا۔ ایہہ سفر ساؤتھئیمپٹن، برطانیہ توں نیو یارک، امریکہ تک دا سی جو 10 ایپرل، 1912 نوں شروع ہویا اتے 1500 توں ودھ جاناں لے کے 15 ایپریل سویر دے 02.20 منٹ تے ختم ہو گیا۔ ایہہ جہاز اٹلانٹک سمندر وچ ہمیشہ لئی ڈب گیا۔ ‘ٹائیٹینک’ جس بارے کیہا گیا سی کہ ایہہ ڈب نہیں سکدا، ٹائیٹینک نوں ‘شپ آف ڈریمز’ وی کیہا کیہا گیا سی۔

خاص

• اس جہاز اُتے 13 اجیاے جوڑے سوار سن، جو اپنا ہنیمون سیلیبریٹ کرن لئی سفر کر رہے سن۔
• اس جہاز وچ کجھ لوک اجیہے وی سن، جو ایہہ سفر نہیں کرنا چاہندے سن۔ اصل وچ اک ہور جہاز وچ کوئلے دی کمی ہون کارن سفر وچ رکاوٹ پیش آ رہی سی۔ اس نوں دور کرن لئی وائیٹ سٹار لائن جہاز دی یاترا رد کرنی پئی اتے اس وچ سوار لوکاں نوں ٹائیٹینک اُتے بھیج دتا۔
• ٹائیٹینک جہاز 17 منزلاں عمارت دے برابر سی۔ انگلینڈ دے راجگڑھ لندن وچ موجود ٹاور برج دے برابر سی۔ ٹائیٹینک وچ لگی سیٹی دی آواز وی 11 میل دی دوری تک سنی جا سکدی اے۔ اس جہاز دی لمبائی فٹ بال دے تن میداناں دے برابر سی۔ جہاز وچ 800 ٹن کوئلے دی کھپت ہندی سی۔
• ٹائیٹینک جہاز اُتے 9 کتے سن ۔
• ٹائیٹینک جہاز وچ مسافراں اتے کرو میمبراں دے کھان-پین دا ودھیا انتظام سی۔ جہاز اُتے کھان لئی 86000 پونڈ گوشت، 40000 انڈے، 40 ٹن آلو، 35000 پونڈ پیاز، 36000 سیب تے کئی طرحاں دا کھان-پین دی سامان موجود سی۔
• ٹائیٹینک شپ وچ فرسٹ کلاس وچ سفر کرن لئی قریب 100 سال پہلاں 4350 ڈالر یعنی 2 لکھ 70000 دے قریب کرایہ سی۔ اکانومی کلاس لئی 1750 ڈالر یعنی اک لکھ روپئے تے تھرڈ کلاس لئی 30 ڈالر یعنی صرف 2000 روپئے کرایہ سی۔ اج دے ویلے وچ ڈالر دی قیمت نوں دیکھیا جاوے جاں اک مسافر دا خرچہ 50 لکھ روپئے وچ پویگا۔
• ٹائیٹینک جہاز دے کیپٹن سمتھ سفر توں بعد رٹائرمینٹ لینا چاہندے سن پر ایہہ سفر اوہناں دی زندگی دا آخری سفر ثابت ہو گیا۔

حوالے

 Commons: ٹائیٹینک – مورتاں ، وڈیو