پاکستان دی تریخ

وکیپیڈیا توں
جاؤ: پاندھ, کھوج

سانچہ:تریخ پاکستان تریخ پاکستان جاں پاکستان دی تریخ توں مراد اُس علاقے دی تریخ اے جو 1947ء نوں ہندستان دی ونڈ دے موقعے اتے ہندستان توں وکھ ہو کے اسلامی جمہوریہ پاکستان جاں اسلامی لوکراج پاکستان اکھوایا ۔ ہندستان دی ونڈ توں پہلوں ہن دے پاکستان دا علاقہ برطانوی راج دا حصہ سی۔ اُس توں وی پہلے، اس تھاں اتے وکھ وکھ ویلےآں چ وکھ وکھ مقامی راجےآں تے کئی غیر ملکی طاقتوں دا راج رہیا۔ پرانےاں ویلےآں چ ایہ علاقہ برصغیر ہند دیاں کئی بادشاہتاں تے کجھ وڈیاں رہتلاں جاں تہذیباں دا حصہ رہیا اے۔ 18 ویں صدی ایہ علاقہ برطانوی ہند رل گیا۔

پاکستان دی سیاسی تریخ دی شروعات 1906 چ آل انڈیا مسلم لیگ دے قیام نال ہندی اے۔ اس جماعت دے قیام دا مقصد ہندستان وسن آلے مسلماناں دے حقاں دی راکھی تے اُنہاں دی نمائندگی کرنا سی۔ 29 دسمبر 1930 نوں، فلسفی تے شاعر، ڈاکٹر سر علامہ محمد اقبال نے اتلے لہندے ہندوستان دے مسلماناں لئی اک خود مختار ریاست دا تصور دتا۔ 1930ء دے دہاکے دےاخیر چ مسلم لیگ نے مقبولیت حاصل کرنا شروع کیتی۔ محمد علی جناح ولوں دو قومی نظریہ پیش کیتے جان تے مسلم لیگ ولوں 1940 دی قرارداد لاہور دی منظوری نے پاکستان دے قیام دی راہ پدھری کیتی۔ قرارداد لاہور چ مطالبہ کیتا گیا سی کہ برطانوی ہند دے مسلم ودھ گنتی علاقےآں اتے آزاد ریاست قایم کیتی جائے۔اخیر جناح دی آگوائی چ اک کامیاب تحریک مگروں 15 اگست 1947 نوں برطانوی قبضے توں آزاھی لبھی تے ہندستان دی ونڈ ہوئی ۔

باہرلے جوڑ[لکھو]

سانچہ:History of Asia سانچہ:Pakistan Movement سانچہ:Pakistan topics