پروفیسر رندھیر سنگھ

وکیپیڈیا توں
Jump to navigation Jump to search


پروفیسررندھیر سنگھ(2 جنوری 1922 - 31 جنوری 2016), پنجابی مول دے اک نامور مارکسوادی چنتک سن۔ اوہ دلی یونیورسٹی وچّ سیاسیات دے پروفیسر رہے اتے پنجابی یونیورسٹی پٹیالہ دے آجیون فیلو سن۔ اوہ وکٹر کیئرنان دے طالب علم، لاہور وچّ سٹودنث موومنٹ دے آگوُ، آزادی گھلاٹیئے سن ۔ اہنا نے جیل وچوں ایم.اے. سیاسیات دا امتحان دتا سی جس وچ اوہ اول رہے سن

زندگی[لکھو]

رندھیر سنگھ دا جنم 2 جنوری 1922 نوں ہویا سی۔ اوہناں دا جدی پنڈ مانوکے ، ضلع موگا سی پر اوہ لاہور وچّ پلے جتھے اوہناں دے والد پیشہ ور ڈاکٹر وجوں کم کردے سن ۔ اوہناں دے اکال چلانے تے نامور بدھیجیویاں اتے نیتاواں نے وکھ وکھ ٹپنیاں کرکے اوہناں دی دین نوں یاد کیتا ہے ۔ نیپال دے سابق پردھان منتری سری بابورام بھٹارائے نے کیہا ہے کہ ، پرو. رندھیر سنگھ ساڈے سمیاں دے مہان مارکسوادی سکلار سن ۔ پنجاب گورنینس کمیشن دے چیئرمین سری ڈاکٹر.پرمود کمار، نے پرو. رندھیر سنگھ نوں اک اعلیٰ درجے دے مارکسوادی چنتک وجوں گردانیا ہے اتے کیہا ہے کہ اوہ اوہناں راجنیتک بدھیجیویاں وچوں سن جو سماجک سچائی نوں لوکاں دی بولی وچّ پیش کرن دی طاقت رکھدے سن اتے اوہناں دی موت نال لوک پکھی اکادمک دھارا دے بدھیجیویاں دی پیڑھی دا انت ہو گیا ہے ۔ [1]


اپنی پہلی عمر وچّ اوہناں شاعری لکھنی شروع کیتی سی اتے اوہناں دا اک شعری مجموعہ ‘راہاں دی دھوڑ’ شائع ہویا سی۔ اس کتاب دی اس ویلے کافی چرچہ ہوئی سی۔ بعد وچّ اوہ سیاسی چنتن نال جڑ گئے اتے اوہناں کئی پستکاں لکھیاں ۔ رٹائرمینٹ توں بعد اوہناں دیاں لکھتاں دا اک سنکلت گرنتھ ‘کرائیسس آف سوشلزم’ چھپیا جس دی دنیا بھر دے بدھیجیوی حلقیاں وچ تکڑی چرچہ ہوئی۔[2] اوہ چنڈی گڑھ واقع کھوج تنظیم آئی.ڈی.سی. دی گورننگ باڈی دے میبر وی سن۔[3] اوہ اپنے طالب علماں دے محبوب استاد سن اتے اوہناں دے لیکچر ہال وچّ طالب علماں دے بیٹھن دی تھاں گھٹ جاندی سی، لوک کھڑکیاں وچوں منہ دے کے سنیا کردے سن۔ اوہناں دا ویاہ مہیندر کور نال ہویا اتے اوہناں دیاں دو بیٹیاں سیما اتے پرو. پریالین سنگھ ہن۔[4] اوہ 94 سالاں دی عمر بھوگن توں بعد 31 جنوری 2016 نوں اس سنسار توں تر گئے۔

حوالے[لکھو]

۔