پریڈیٹر ڈرون

آزاد انسائیکلوپیڈیا، وکیپیڈیا توں
پریڈیٹر ڈرون
 

نوع ڈرون جعاز  ویکی ڈیٹا اُتے (P279) د‏‏ی خاصیت وچ تبدیلی کرن
عسکری نام Q-1 (اٹلی تے امریکا)[۱]  ویکی ڈیٹا اُتے (P798) د‏‏ی خاصیت وچ تبدیلی کرن
حصہ نمونہ طیارہ  ویکی ڈیٹا اُتے (P31) د‏‏ی خاصیت وچ تبدیلی کرن
سب کلاس ڈرون جعاز  ویکی ڈیٹا اُتے (P279) د‏‏ی خاصیت وچ تبدیلی کرن
کل پیداوار 360 [۲]  ویکی ڈیٹا اُتے (P1092) د‏‏ی خاصیت وچ تبدیلی کرن
معلومات
آغاز خدمات ۱۹۹۵  ویکی ڈیٹا اُتے (P729) د‏‏ی خاصیت وچ تبدیلی کرن
اختتام خدمات ۹ مارچ ۲۰۱۸  ویکی ڈیٹا اُتے (P730) د‏‏ی خاصیت وچ تبدیلی کرن
پہلی پرواز ۳ جولائی ۱۹۹۴  ویکی ڈیٹا اُتے (P606) د‏‏ی خاصیت وچ تبدیلی کرن
صارفین
لمبائی 8.22 میٹر  ویکی ڈیٹا اُتے (P2043) د‏‏ی خاصیت وچ تبدیلی کرن
بلندی 2.1 میٹر  ویکی ڈیٹا اُتے (P2048) د‏‏ی خاصیت وچ تبدیلی کرن

پریڈیٹر ڈرون (General Atomics MQ-1 Predator) اک بنا پائلٹ دے جعاز اے۔ اینو امریکہ دی کمپنی جنرل ایٹومکس نے بنایا اے۔ اینوں امریکی ہوائی فوج تے سی آئی اے ورتدے نیں۔ ڈرون جعاز نے پہلی اڈاری جنوری 1994 چ کیتی سی۔ پہلے ایدا کم جسوسی سی تے ایس لئی ایدے تے کیمرے تے ہور کھوج لان والے پرزے لگے سن۔ مگروں ایدے نال 2 ہیلفائیر میزائل تے ہور اسلحہ جوڑیا گیاتے اینج اے اپنے ویری نوں کسے وی تھاں تے مار سکدا اے۔ اے پاکستان، لبیا، عراق، افغانستان، سربیا تے بوسنیا چ ورتیا جاچکیا اے۔

پریڈیٹر ڈرون دا مڈ 1980 دے دہاکے چ رکھیا گیا تے ایدے پہلے ڈیزائن اک اسرائیلی ابراہم کرم جیہڑا اسرائیل چھڈ کے امریکہ آگیا سی دی کمپنی نے بناۓ سن۔ سی آئی اے نے ایس توں 5 جعاز مل لۓ تے ابراہم کرم نے سی آئی اے دے کہن تے ایدے لئی اک رولا ناں پان والا انجن بنایا تے اینج ایدا نواں ناں پریڈیٹر رکھیا گیا۔ 1994 چ جنرل اٹامکس نوں ایدے بنان دا ٹھیکہ دتا گیا۔

پریڈیٹر اک مکمل سسٹم ہوندا اے۔ اس سسٹم چ اک ڈرون جعاز تے اک ڈبہ ہوندا اے جیدے چ بہہ کہ پائلٹ اینوں سیٹلائٹ دے سگنلاں توں اڈاندا اے۔ پائلٹ دے نال اک دو ہور بندے وی اینوں اڈان چ مدد دیندے نیں۔ اے ڈبہ تے ڈرون جعاز اک سی-130 ہرکولیس چ فٹ آسکدے نیں تے ایناں نوں جگ چ کتھے وی لے جایا جاسکدا اے۔ اس سارے سسٹم وچ 55 لوک ٹوٹل ہوندے نیں۔ اے لوک اس جعاز توں وصول ہون آلیا تصویراں نوں جاسوسی دے کماں واسطے ورتددے نیں۔ سیٹلائٹ سسٹم دی وجہ توں پائلٹ امریکہ وچ بہہ کے پریڈیٹر نوں افغانستان چ اڈا سکدا اے۔

پریڈیٹر ڈرون اتے انفراریڈ کیمرے تے سنتھیٹک اپرچر ریڈار لگے ہوندے نیں۔ انفراریڈ کیمریاں دے نال اے نیرے وچ وی ویکھ سکدا اے۔ اے کیمرے اینے چنگے ہوندے نیں کہ ڈرون 10،000 فٹ دی بلندی توں اے تک سکدا اے کہ بندے نے سرگٹ کس ہتھ چ پکڑیا ہویا اے۔ جدوں کہ سنتھیٹک اپرچر ریڈار اک خاص قسم دا ریڈار ہوندا اے جیڑا کہ بوت وڈی تھاں دی فوٹو کچھ سکدا اے تے اے دس سکدا اے کہ کیڑی شے ہلدی پئی اے مثلا اے ریڈار بوت تیزی دے نال کسے حرکت کردے ٹینک نوں لب سکدا اے۔

پریڈیٹر ڈرون چ اک چار سلنڈراں آلا انجن لگیا ہوندا اے جیڑا کہ اینوں 115 ہارپاور دیندا اے۔ ایدا وزن 512 کلوگرام ہوندا اے تے اے 500 کلوگرام دا اسلحہ وی چک سکدا اے۔ اس اسلحے چ دو ہیلفائیر میزائل یا چار سٹنگر میزائل ہوندے نیں۔ اے نشانے اتے لیزر ماردا اے تے اس توں ہیلفائیر میزائل اس لیزر دا پچھا کردا اے۔ اے 100 گیلن وزنی بالن لے کے اڈدا اے تے اے 40 کینٹیاں واسطے ہوا وچ رے کے جاسوسی کر سکدا اے۔ ایدا انجن بوتا شور نی مچاندا تے ایدی اواز اک کعا کٹن آلی مشین جنی ہوندی اے۔ اے 25،000 فٹ اچائی تک جاسکدا اے۔ اک پریڈیٹر سسٹم دا مل 20 میلین ڈالر اے۔

سن 2000 تے 2001 چ ہیلفائیر میزائل ایدے توں چلان دا تجربہ کیتا گیا تے ستمبر 2001 چ ہون آلے القاعدہ دے حملے دے بعد اینوں افغانستان چ اسامہ بن لادن تے اودے سنگیاں نوں مارن واسطے ورتنا شروع کر دتا گیا۔ اینوں ورتن دے 10 وریاں بعد 2004 چ اینوں پرفکٹ بناد دتا گیا تے اینوں ترکی، اٹلی تے برطانیہ نوں وی دتا گیا۔ 2009 تک پریڈیٹر 500،000 کینٹے تک اڈایا جا چکیا سی تے ایناں چ 87٪ جنگی مشن سن۔

اینو پاکستان دے قبائلی علاقیاں وچ حملے کرن آستے امریکی فوج استعمال کر رہی اے۔ اینوں عام بولی چ ڈرون وی آکھیا جاندا اے۔

بنان آلا دیس امریکہ
بنان آلی کمپنی جنرل اٹامکس
بنن دی تریخ 1994
ورتن آلے دیس امریکہ
اٹلی
برطانیہ
ترکی
گنتی 360
مل 20 ملین ڈالر


متعلقہ لیکھ[سودھو]

حوالے[سودھو]

بارلے جوڑ[سودھو]