پہلی فرانسیسی سلطنت

وکیپیڈیا توں
Jump to navigation Jump to search
پہلی فرانسیسی سلطنت دا نشان
پہلی فرانسیسی سلطنت دا جھنڈا
نیپولین
پہلی فرانسیسی سلطنت دے صوبےآن دا نقشہ

فرانسیسی سلطنت ( 1814ء - 1804ء) ، جہڑی کہ عظیم فرانسیسی سلطنت یاں پہلی فرانسیسی سلطنت وی آکھواندی اے ، پر عام طور تے نیپولیائی سلطنت دے ناں نال جانی جاندی اے ۔ ایہہ فرانس چ نیپولین اول دی سلطنت سی ۔ ایہہ 19ویں صدی عیسوی چ براعظم یورپ دی غالب طاقت سی ۔

نپولیئن 18 مئی 1804ء چ فرانس دا شہنشاہ تے 2 دسمبر 1804ء چ تاج دا حقدار شہنشاہ بنئیا ، اس دے نال ای فراسیسی کونسلیٹ دا خاتمہ ہوئیا ۔ اس نے آسٹریا ، پروشیا ، روس ، پرتگال تے اتحادی دیساں دے خلاف تیچے اتحاد دی جنگ ، خاص طور تے آسٹرلیٹز دی لڑائی (1805ء) تے فریڈ لینڈ دی لڑائی (1907ء) چ ابتدائی فوجی کامیابیاں حاصل کیتیاں ۔ جولائی 1807ء چ معاہدہ ٹیلسٹ راہیں براعظم یورپ چ دو سالہ خونریزی مکی ۔


بعد دے ورہیاں دی فوجی فتوحات نوں نیپولیئن دیاں لڑائیاں یاں نپولیئنی جنگاں آکھیا جاندا اے ، جنہاں نال فرانس دا اثر تے رسوح لہندے یورپ دے بیش تر یلاقےآں تے پولینڈ تیکر پھیل گئیا ۔ 1812ء چ اپنےعروج تے فراسیسی سلطنت دے 130 ڈیپارٹمنٹ (صوبے) سن تے اسدی آبادی 4 کروڑ 4 لکھ دے نیڑے سی ۔ سلطنت دی جرمنی ، اٹلی ، سپین تے ریاست وارسا تیکر پھیلی ہوئی فوجی موجودگی ، تے آسٹریا تے پروشیا اس دے اتحادی سن ۔ ابتدائی فرانسیسی فتوحات نے انقلاب فرانس دے کئی نظریاتی خدو خال پورے یورپ چ پھلا دتے ۔ بھانویں ایبیریا چ جنگ پینینسولر چ فرانس دی ہار نال سلطنت بری طرح متاثر ہوئی ، پر 1809ء دی آسٹریائی سلطنت دے خلاف پنجویں اتحاد دی جنگ چ فتح دے مگروں نیپولین نے روسی سلطنت تے حملہ کرن لئی 6 لکھ فوجی تیار کیتے ۔ جنہاں نال اسنے 1812ء چ روس تے جارحیت کیتی ۔ 1813ء چ چھیویں اتحاد دی جنگ دے پاروں فرانسیسی فوجاں دا جرمنی توں انخلا عمل چ آئیا ۔

1814ء چ نیپولین تخت توں دستبردار ہو گئیا ۔ ۔ سلطنت عارصی طور تے 1815ء چ "سو دن دی مدت" دے دوران بحال ہوئی تے واٹرلو دی لڑائی چ نیپولین دی شکست تک رہی ۔ اس دے مگروں بوربون ٹبر دی حکومت بحال ہو گئی ۔


شروعات[لکھو]

شروع دیاں فتحاں[لکھو]

زوال[لکھو]