چارلس بریڈلو

چارلس بریڈلو
(انگریزی وچ: Charles Bradlaugh)
تفصیل=
جم	26 ستمبر 1833   ہوکسٹن
وفات	30 جنوری 1891 (58 سال)  لندن
مدفن	بروک ووڈ قبرستان
شہریت	متحدہ مملکت برطانیہ عظمی و آئر لینڈ
جماعت	لبرل پارٹی
عملی زندگی
پیشہ	سیاست دان ،  سیاسی کارکن
پیشہ ورانہ زبان	انگریزی
شعبۂ عمل	سیاست
تحریک	ایتھیازم ،  آزاد خیال
شاخ	برطانوی فوج

چارلس بریڈلو (/ˈbrædlɔː/; 26 ستمبر 1833ء – 30 جنوری 1891ء) سیاستدان تے 19ویں صدی برطانیا دا پرسدھ ناستک سی۔ اس نے 1866ء وچ نیشنل سیکولر سوسائٹی دی بنیاد رکھی سی۔ ایہ اج وی بہت سرگرم ترکشیل جتھے بندی اے۔

مُڈھلی زندگی

چارلس بریڈلو دا جنم لنڈن دے پوربی حصے وچ بسے ہاکسٹن نامک کھیتر وچ ہویا۔ اس دے والد اک وکیل دے منشی سن۔ 11 سال دی عمر وچ اس نے سکول تیاگ کر پہلاں اک چھوٹے موٹے کم کرن والے منڈے تے پھر اک کولا وپاری دے منیم دے روپ وچ کارج کیتا۔ فیر اک سکول وچ اتوار ادھیاپک دے روپ وچ کارج کردے ہوئے اس دا دھیان اینگلیکن گرجا گھر دے 39 لیکھاں تے بائیبل دے وچ سپشٹ وسنگتیاں دے ول چلا گیا تے اوہ پریشان ہو گیا۔ جدوں اس نے اپنی چنتا ظاہر کیتی تد مقامی پادری جان گراہم پارکر نے اس دا سمرتھن کرن دی بجائے اس نوں ناستک قرار دیندے ہوئے ادھیاپکی توں معطل کر دتا۔

اوہ مزدور یونیئناں، عورتاں دے حقّاں، جمہوری حقّاں تے غلام بنائیاں قوماں دے حقّاں لئی ہمیشہ لڑدا رہیا۔ اوہ لفظاں دا جادوگر اک مہان ناستک راجنیتک آگُو سی۔ 1880ء وچ پہلی وار اوہ نارتھیمٹن توں مِمبر پارلیمینٹ چُنیا گیا۔ تقریب حلف برداری دوران بریڈلو نوں کہیا گیا کہ اوہ وی باقی مِمبراں وان٘گ بائیبل اُتے ہتھ رکھ کے خدا دے نام تے حلف چکے، پر اس نے ایویں کرن توں انکار کر دتا تے کہیا کہ اوہ صِرف ایہہ کہے گا "میں پرن کردا واں کہ میں.....۔" کٹڑ لوکاں نے اس دا ورودھ کیتا تے سپیکر نے اس گل دا فیصلہ کرن لئی اک سلیکٹ کمیٹی بنا دتی۔ کمیٹی نے جد اس معاملے نوں قانونی طور تے پرکھیا تاں 8 مِمبر بریڈلو دے خلاف تے 8 حق وچ ہو گئے۔ آخرکار کمیٹی دے چیئرمین نے اپنا فیصلہ کن ووٹ بریڈلو دے خلاف پا دتا تے کمیٹی نے فیصلہ بریڈلو دے ورودھ سنایا۔ پر بریڈلو اپنے فیصلے تے ڈٹیا رہیا تے پارلیمینٹ جاندا رہیا۔ آخر پارلیمینٹ نے اس نوں گرفتار کرن دی قرارداد پاس کرکے اس نوں گرفتار کروا دتا تے اس دی سیٹ خالی قرار دے دتی۔ ضِمنی انتخاب ہویا تاں اوہ فیر جت گیا پر اس دی مِمبر شپ فیر ردّ کر دتی۔ اس طرحاں اس نے لگاتار 4 وار چون جتی کیونکہ اوہ لوکاں وچّ بہت ہرمن پیارا سی۔ آخر 1886 وچ انگلینڈ دی پارلیمینٹ اس نوں حلف چکے بغیر صِرف پرن کرن دی اجازت دین لئی مجبور ہو گئی۔ اس توں دو سال بعد اوہ ایہہ قانون پاس کرواؤن وچ کامیاب ہو گیا کہ کوئی وی ویکتی پارلیمینٹ یا عدالت وچ مذہبی سونھ کھاݨ دی بجائے صِرف پرن کر سکدا اے۔

پنجاب دے شہر لاہور وچ بریڈلا ہال چارلس بریڈلو دے نام نال منسوب اے۔

چارلس بریڈلو دی پارلیمینٹ وچ گرفتاری

حوالے