چٹے گاٹیوالا مچھی مار

چٹے گاٹیوالا مچھی مار
دیس:	جنور
برادری:	کورڈیٹ
ٹولی:	پنچھی
پتی:	مچھی مار
ٹبر :	رکھ مچھی مار
سائینسی ناں:	Halcyon smyrnensis
پھرن تھاں لال رنگ وچ

اضغط هنا للاطلاع على كيفية قراءة التصنيف چٹے گاٹیوالا مچھی مار
صورت حال
! colspan = 2 | حیثیت تحفظ
Least Concern  (IUCN 3.1)
اسمیاتی درجہ	پرجاتی
جماعت بندی
مملکت:	جنور
جماعت:	پنچھی
طبقہ:	کوراسیپھارمز
خاندان:	ہیلسیئونیڈیئی
جنس:	ہلسیئن
نوع:	ہ سمائیرنینسس
سائنسی نام
Halcyon smyrnensis  کارل لنیاس   ، ۱۷۵۸
ونڈ دا نقشہ
‏‏

چٹے گاٹیوالا مچھی مار جاں وڈا مچھیرا (white-throated kingfisher)، اک رکھ پنچھی اے، جو ایشیا وچ ترکی توں لے کے فلپائن تک بسیرا کردا اے۔ ہور نام نیلا مچھیرا جاں کلکلا وی ہن۔ اس نوں اس دے قد اتے پانی وچوں چبھی مار کے مچھیاں پھڑھن دی عادت کرکے پنجابی وچ ‘وڈا مچھیرا’ کیہا جاندا اے۔ اس دی آواز کل کل دی اے۔ تکنیکی ناں ‘ہیلسیئون سمائیرنینسس’ اے اتے ایہناں دے پروار نوں ‘’ سددے ہن۔ ایہناں دا ٹکانا کھیتاں تے جنگلاں وچ پانی دے نیڑے، شہراں دے باغ ہندے ہن۔ ایہناں دا کھانا مچھی، ڈڈّ، کیڑے-مکوڑے، چھوٹے ڈڈو، کرلیاں، چھوٹے سپّ ہن۔ مغربی بنگال دا ایہہ پنچھی قومی پنچھی اے۔

وڈا مچھیرا، (نیڑے جلمگڑھ)

علاقے

چٹے گاٹیوالا مچھی مار رکھ مچھی مار دے ٹبر دا اک مچھی مار اے۔ ایہ بلغاریہ، ترکی توں لے کے پاکستان تے اگے فلپائن تک دا واسی اے۔ ایہ اپنی رہن تھاں دا پکا واسی ہوندا اے پر کجھ ٹولیاں تھاں بدل دیاں ویں نیں۔

وکھالہ

28 سینٹی میٹر نال ایہ اک وڈا مچھی مار اے۔ ایہدے پر، پوچھل تے مگر نیلے ہوندے نیں۔ایہدا سر، تھلواں ڈھڈ گوڑے بھؤرے ہوندے نیں۔ چھاتی تے گاٹا چٹے ہوندے نیں۔وڈی لمی چنج تے پیر لال ہوندے نیں۔

اس دی لمبائی تقریباً 28 سینٹیمیٹر، اچائی 20 سینٹیمیٹر، اک کھنبھ دا پھیلاؤ 12 سینٹیمیٹر اتے بھار لگبھگ 70 گرام ہندا اے۔ اس دے کھنبھاں دا رنگ چمکدار فروزی-نیلای ہندا اے۔ کھنبھاں دے پاسیاں اتے کجھ چٹے چٹاک ہندے ہن جہڑے اڈن ویلے ہی دسدے ہن۔ ایہہ سدھی لکیر وچ کسے جیٹ وانگ ہی اڈدے ہن۔ اس دا سر گوڑہا چاکلیٹی-بھورییٹی رنگ دا اتے اکھاں موٹیاں اتے چاکلیٹی ڈیلیاں والیاں ہندیاں ہن۔ اس دی چنجھ لمی موٹی اتے بھاری تے رنگ دی لال ہندی اے۔ اس دی گردن اتے چھاتی چٹی تے ڈھڈّ بھورا ہندا اے۔ اس دیاں لتاں اتے پیر وی چنجھ وانگ لال ہی ہندے ہن۔

اگلی پیڑھی

ایہناں دا بہار سماں مینہہ دے موسم ہندا اے۔ نر اتے مادہ ریتے دے ٹلیاں دیاں دیواراں وچ 50 سینٹیمیٹر لمی سرنگ دا آلھنا بناؤندے ہن۔مادہ 4 توں 7 انڈے دندی اے جس دا رنگ چٹا ہندا اے۔ جہناں وچوں 20 توں 22 دناں وچ بچے نکل آؤندے ہن۔ مادہ اتے نر دونے بچیاں نوں پالدے ہن جہڑے 19 توں 20 دناں بعد اپنی سرنگ چھڈّ دندے ہن۔ ایہہ لگبھگ 5 توں 6 سال دی عمر جیوندے ہن۔

حوالے