چیچنی لوکراج اشکیریہ

وکیپیڈیا توں
جاؤ: پاندھ, کھوج
ایہ صفہ ٹھیک پنجابی وچ نہیں لکھیا گیا۔ ایہدی پنجابی ٹھیک کرن دی لوڑ اے!
چیچنی لوکراج اشکیریہ

Chechen Republic of Ichkeria
Noxc̈iyn Pac̈ẋalq Noxc̈iyc̈ó/Ic̈keria
Нохчийн Пачхьалкх Нохчийчоь
Чеченская Республика Ичкерия
—  جلاوطن حکومت  —
جلاوطن حکومت 2000 توں

1991–1999
 

جھنڈا قومی نشان
ترانہ
Joƶalla ya mars̈o
موت یاں آزادی
قفقاز علاقے چ چیچن جمہوریہ دا تھاں
راجگڑھ گروزنی(آئينی)
لندن (درحقیقت)
بولیاں چیچن · روسی[1]
مذہب سیکولرازم[2]
اسلام (اسلامی جمہوریہ دوران)
حکومت جمہوریہ (1991–1998)
اسلامی جمہوریہ (1998–2007)
جمہوریہ (2007–ہن تک)
صدر
 - 1991–1996 جوہر دودائیف  
 - 1996–1997 زیلم خان یندربائیف  
 - 1997–2005 ارسلان مسخادوف  
 - 2005–2006 شیخ عبد حلیم  
 - 2006–2007 دوکا عمروف
تریخ
 - سوویت یونین دا ٹٹنا
7 فروری 1990
 - چیچن-انگش خودمختار سوویت اشتراکی جمہوریہ دا ٹٹنا
1 نومبر 1991
 - پہلی چیچن جنگ 11 دسمبر 1994 – 31 اگست 1996
 - دوجی چیچن جنگ
26 اگست 1999
رقبہ
 - 2002 15,300 مربع کلومیٹر (5,907 مربع میل)
لوک گنتی
 - 2002 تخمینہ 1,103,686 
     لوک سنگھنائی 72.1 /مربع کلومیٹر  (186.8 /مربع میل)
سکہ روسی روبل
چیچن ناہر ( 1994 دی منصوبہ بندی)
Warning: Value specified for "continent" does not complySY1Y2




چیچن جمہوریہ اشکیریہ (چیچن بولی:نوخچیین ریسپوبلیکا نوحچییچو ؛ روسی بولی: چیچنسکایا ریسپوبلیکا اچکیریا )، چیچنیا دی غیر تسلیم شدہ علیحدگی پسند حکومت سی ۔ چیچنیا اتلے کوہ قفقاز ( کوہ قاف) چ واقع اے ، تے اسدیاں سرحداں اتلے لہندے چ روسی علاقے ستاوروپول کرائی ، اتلے چڑھدے چ جمہوریہ داغستان ، دکھن چ جارجیا ( گرجستان) تے لہندے چ انگوشتیا تے شمالی اوسیتیا نال ملدیاں نیں ۔ چیچن جمہوریہ اشکیریہ دے قیام دا اعلان جوہر دودائیف نے 1991ء چ کیتا ، چیچن علیدگی پسنداں تے روسی فیڈریشن ، جہڑی کہ علیدگی دی مخالفت کردی سی ، دے وچکار دو خونریز جنگاں لڑیاں گئیاں ۔ 2007ء چ اشکیریہ دے صدر دوکا عمروف نے اعلان کیتا کہ اسنے جمہوریہ دا ناں نوخچییچو رکھ دتا اے تے اسنوں امارات قفقاز دے اک صوبے چ بدل دتا اے تے خود اے امارات دا امیر اے ۔ چیچن جمہوریہ اشکیریہ دی جلاوطن حکومت تے دوجے علیدگی پسند گروپاں نے جہڑے کہ جمہوریہ دا وجود چاہندے سن ، نے جمہوریہ دی حثیت چ تبدیلی نوں مسترد کر دتا ۔

اشکیریہ غیر نمائندہ قوماں تے لوکاں دی تنظیم دا رکن اے ۔ جارجیا چ زویاد گامساخوردیا نے 1992ء ج چیچن جمہوریہ اشکیریہ دی آزادی نوں تسلیم کیتا تے ایہ جگ دا اشکیریہ نوں تسلیم کرن آلا اکو دیس سی ، پر ہن ایہہ تسلیم موثر نئیں ۔


تریخ[لکھو]

1994ء -1991ء


جوہر دودائیف چیچن جمہوریہ اشکیریہ دا دوجا صدر


نومبر 1990ء چ جوہر دودائیف ، غیر سرکاری حزب اختلاف " چیچن لوکاں دی کل قومی کانگرس" دی اگزیکٹو کمیٹی دا سربراہ منتخب ہوئیا ، جہڑی چیچنیا دی سویت یونین دے اندر اک علیحدہ خود مختار جمہوریہ دے طور تے مانگ کردی سی ۔ 1991ء دا انتخاب دودائیف نے جتئیا ۔ چیچن جمہوریہ اشکیریہ دے صدر دے طور تے جوہر دودائیف نے یک طرفہ طور تے جمہوریہ دی آزادی تے سویت یونین تے روس توں علیحدگی دا اعلان کر دتا ۔ جارجیا ( گرجستان) چ زویاد گامساخوردیا دی حکومت دے سوا کسے وی دیس نے جمہوریہ دی آزادی نوں تسلیم نئیں کیتا ، وفاق روس توں مسلسل حملے دے خطرے دی وجہ توں اشکیریہ دا وجود غیر مستحکم رہئیا ۔

دودائیف دا 1990ء دی دہائی دے شروع دا حکمرانی دا دور بدامنی دا دور رہئیا ، جہڑا پورے اک قسم دے آزاد چیچنیا چ رہئیا ۔ دودائیف دے حریفاں تے مخالفاں (زیادہ تر روسی )، جہڑے کہ اقتدار لئی لڑ رہے سن ، دے وچکار تنازعے اٹھدے رہندے جہڑے کہ کدے کدے بھاری ہتھیاراں دی لڑائی چ بدل جاندے ۔ جنہاں دوران چیچنیا دی نسلی اقلیتاں نال امتیازی یاں ناروا سلوک وی کیتا جاندا ، جس پاروں ہزاراں دی گنتی چ جمہوریہ دے غیر چیچن رہائشی ( جنہاں چ زیادہ تر روسی تے یوکراینی سن ) روس یاں روسی علاقے شمالی اوسیتیا چ نس گئے ۔


اسلان مسخادوف اشکیریہ دا تیجا صدر


دادائیف حکومت نے چیچن جمہوریہ اشکیریہ دا آئین بنائیا ، جہڑا مارچ 1992ء چ نافذ کیتا گئیا ۔ ایسے مہینے چ روسی حزب اختلاف ولوں حکومت دا تختہ الٹن دی کوشش کیتی گئی پر ایہہ کوشش طاقت دے ذریعے مکا دتی گئی ۔ اس دے اک مہینے مگروں جوہر دودائیف نے ضدارتی نظام متعارف کروائیا تے پارلیمنٹ نوں تحلیل کر دتا ۔ اوستی - انگوش تنازع لئی گھلئیاں گئیاں وفاقی فوجاں نوں اکتوبر 1992ء چ چیچن سرحد تے جان دا حکم دتا گئیا ۔ دودائیف نے اس حکم نوں چیچن جمہوریہ اشکیریہ دے خلاف جارحیت دے مترادف قرار دتا ، تے ایمرجنسی دی حالت دا اعلان کیتا تے دھمکی دتی جے روسی دستےآں نے چیچن سرحد توں انخلا نا کیتا تے اوہ فوجاں دی مکمل حرکت تے تیاری دا حکم دے دیں گے ۔ حزب اختلاف نے 1993ء چ حکومت دا تختہ الٹن دی اک ہور کوشش دے مگروں ، چیچنیا دی متبادل حکومت دے طور تے اک پرویژنل کونسل دے تشکیل کیتی تے ماسکو حکومت توں مدد منگی ۔

1996ء - 1994ء

1999ء- 1996ء

1999ء توں بعد

سیاست[لکھو]

حوالے[لکھو]

  1. Constitution of Chechen Republic of Ichkeria
  2. According to 1992 Constitution, the "religious associations are separated from the State, independently operate their business and act independently of its organs. The state supports the socially beneficial activities of religious associations." 1992 Constitution of the Chechen Republic of Ichkeria.