کچھ دے جٹ

کچھ دے جٹاں دا بیاہ دا روایتی جوڑا (ابھو)

کچھ دے جٹ ڈنگر پالݨ آلے خانہ بدوش مسلمان نیں ، جو کچھ ، گجرات (بھارت) دے علاقے کچھ وچ رہندے نیں ۔ ایہ کچھ دے بنی گراس لینڈ ریزرڡ علاقے وچ وسدے مالدھاری چرواہے خانہ بدوشاں دی اک وڈی تعداد وچ شامل نیں ۔

جٹاں دا دعوا اے کہ اوہ انڈس دریائی ڈیلٹا دے قدیم چرواہےآں دے قبیلے نال تعلق رکھدے نیں ، جِتھے ہُݨ وی جٹ قبیلے رہندے نیں ۔ اس علاقے توں ہجرت کر کے چراگاہواں دی تلاش وچ کچھ جاݨ آلے جٹاں دا سندھ دے جٹاں نال رابطا منقطع ہوگیا ۔

ونڈاں

کچھ دے جٹ ڈنگر پالݨ آلے گروہ نیں تے بنیادی طور تے کچھ تے کاٹھیاواڑ وچ ونڈے ہوئے نیں ۔ ایہناں کول تن علاقائی حصے نیں : ہلاری جٹ (ضلع جام نگر، ضلع پوربندر تے ضلع دیڡ بھومی دڡارکا وچ) ، ورائے جاٹ (ضلع بانسکنتھا وچ ) ، تے کچی جٹ (ضلع کچھ وچ) ۔ کچھ دے جٹ مزید دھنیتا ، گیرسیا تے فقیراݨی وچ تقسیم نیں ، اوہ اگوں مزید بڈاجنگ ، پوڈانی ، آمر ، ونگائی ورگے قبیلےآں وچ منقسم نیں ۔ گیراسیا مدراگ ، بھلاد تے ہلائے وچ تقسیم ہیں ۔ مویشی پالݨ توں علاوہ ایہ کمیونٹی اونٹھاں دی افزائش وچ وی کردی اے ۔ کچھ دے جٹ اپݨے کڑھائی دے کَم توں وی جاݨے جاندے نیں ۔

کچھ دے جٹاں دیاں بولیاں

• کچھی بولی
• پارکری کولی بولی
• گجراتی بولی