گردوارہ گورو نانک پرکاش جی، لانگوبارٹن، ویانا
گردوارہ گورو نانک پرکاش جی، لانگوبارٹن، آسٹریا دے راجگڑھ ویانا وچ واقع اک سکھ گردوارہ اے ۔
اساری[سودھو]
اس گورو-گھر دی اساری ،شروع وچ 4 ڈسٹرکٹ دی اک پرانی کرائے دی عمارت وچ کیتی گئی سی۔ اس توں بعد ایہہ گورو-گھر 22 ڈسٹرکٹ وچ اک کرائے دے مکان وچ شفٹ کر دتا گیا۔ سنّ 1993 وچ مقامی سکھاں دی مدد نال اپنی جگہ ملّ لے کے گورو-گھر دی اساری کیتی گئی۔ اس کار سیوا دی اگوائی جسبیر سنگھ مانگٹ، ڈھلوں پروار اتے رندھاوا پروار نے کیتی۔ اوہ عمارت چھوٹی ہون کارن سکھ آبادی دیاں مذہبی تے سماجی ضرورتاں پوریاں نہیں سی کردی۔ اس لئی 2005 وچ اس نوں ڈھاہ کے پنج پیاریاں نے ارداسا سودھ کے موجودہ عمارت دا نیہہ-پتھر رکھیا۔ ایہہ کار سیوا 2008 وچ مکمل ہوئی۔ اس گورو-گھر دی اساری اُتے قریب 16 لکھ یورو خرچ آیا تے ایہہ 1000 مربع میٹر وچ بنیا ہویا اے۔ ساری مایہ دی بھیٹا آسٹریا، جرمنی اتے اٹلی دیاں سنگتاں نے کیتی اے۔
عمارت[سودھو]
اس گورو-گھر دیاں دو منزلاں تے اک بیسمینٹ اے۔ اس وچ پارکنگ نہیں اے، کیونکہ آس-پاس سرکاری پارکنگ دا پورا پربندھ اے۔ اس دا لنگر ہال بیسمینٹ وچ اے
خدمتاں[سودھو]
لنگر روز ورتایا جاندا اے۔ ایتوار نوں سپیشل بھوجن پروسے جاندے ہن۔ ساری سیوا سنگت کردی اے۔ گراؤنڈ فلور اُتے لائبریری، گورمکھی سکھلائی سکول دا کمرہ، واشروم اتے 2 رہائشی کمرے ہن۔ اپرلی منزل اُتے دربار ہالَ اتے گورو صاحب دا پرکاش اے۔ نت نیم سویرے 5 وجے، رہراس اتے گورو صاحب دا سکھ آسن شامیں 8-9 وجے ہندا اے۔ یورپ آؤن والے ہریک مشہور جتھے نوں اتھے کتھا-کیرتن کرن لئی بلایا جاندا اے۔ روزانہ 100-150 تے سنچروار-ایتوار 500 توں 600 دے قریب سنگت ہو جاندی اے۔ لوہڑی، دیوالی، نواں سال، سنگراند اتے گرپرباں اُتے 2000 توں 2500 دا اکٹھ ہو جاندا اے۔ ہریک سنچروار-ایتوار بچیاں نوں گورمکھی سکھاؤن، گرمتِ تعلیم، گتکا، سکھ اتہاس اتے پگڑی بنھن دی سکھلائی دتی جاندی اے تے سال وچ اک وار کیمپ لگا کے مقابلے کروائے جاندے ہن۔ گورو-گھر وچ 2 گرنتھی سنگھ پکے طور اُتے سیوا نبھاء راے ہن۔
پرہندھ[سودھو]
اس گورو-گھر دا پربندھ چلاؤن لئی 7 میمبراں دی پربندھک کمیٹی اے۔ پردھان کوئی نہیں اے۔ ایہناں دی چون ہر 4 سال بعد ہندی اے۔ سنگت وچ اینا ایکا اتے پیار اے کہ کمیٹی ہمیشہ سربسمتی نال چنی جاندی اے۔ کدے کوئی جھگڑا نہیں ہویا۔ اک ہور مان والی گلّ اے کہ لوکل گورے طالب علم ، پروفیسر، استاد اتے پادری وغیرہ سکھ دھرم بارے جانکاری لین لئی اس گورو-گھر وچ آؤندے رہندے ہن۔