آسٹریا دے گردوارے
یورپ وچ سکھ وڈی گنتی وچ پہلیاتے دوجی وڈی لڑائی توں بعد پہنچنے شروع ہوئے سن۔ اوہ انگلینڈ ولوں جرمنی اتے اٹلی دے خلاف لڑن لئی یورپ گئے سن۔ اوہناں وچوں بوہت سارے اتھے ہی وس گئے تے اوہناں نے اپنے رشتے دار وی بلاؤنے شروع کر دتے۔ ویسے تاں سکھ سارے یورپ وچ کھلرے پئے ہن، پر سبھ توں وڈی گنتی وچ اٹلی، جرمنی، یونان ، آسٹریا، بیلجیئم، فرانس، ہالینڈ اتے ناروے وغیرہ وچ وسدے ہن۔ آسٹریا وچکارلے یورپ دا اک امیر جرمن بولی دیس ہے۔ اس دا کلّ رقبہ 83879 مربع کلومیٹر، آبادی 90 لکھ دے قریب، راجگڑھ ویانا اتے کرنسی یورو ہے۔ ایہہ چارے پاسے توں جرمنی، چیک لوکراج ، ہنگری، سلوواکیا، اٹلی اتے سوٹزرلینڈ نال گھریا ہویا ہے۔ اتھے وی سکھ دوجی وڈی لڑائی توں بعد آؤنے شروع ہوئے سن۔ اتھے سکھاں دی آبادی قریب 5000 ہے تے 3 پرمکھ گورو-گھر ہن۔