ہارپی عقاب

وکیپیڈیا توں
جاؤ: پاندھ, کھوج
ہارپی عقاب
Harpia harpyja 001 800.jpg
دیس : جنور
برادری : کورڈیٹ
ٹولی : پنچھی
ٹبر: الاں
سائینسی ناں: Harpia harpyja
Harpy Eagle Range.svg
دنیا تہ ہارپی عقاب دی پھرن تھاں نیلے رنگ وچ

ہارپی عقاب وشکارلے تے دکھنی امریکہ چ ملنوالا اک شکاری پنچھی اے۔ اینوں اوسے تھاں وسدے ایدے ورگے دوجے عقاباں توں وکھریاں کرن لئی اینوں امریکی ہارپی عقاب وی کیندے نیں۔ ایہ اتلے تے دکھنی امریکہ دا سب توں وڈا تے جانوالا شکاری پنچھی اے تے ایہ جگ دا سب توں وڈا عقاب اے۔ اے بارشی جنگل دے کم اچائی آلیاں تھاواں وچ وسدا اے۔ جنگل دی کٹائی دی وجہ توں ایہ خطرے وچ اے تے وشکارلے امریکہ وچوں تہ تقریبا مٹ ای گیا اے۔

وکھالا[لکھو]

ہارپی عقاب دے اتلے پاسے سلیٹ کالے پر، تھلواں پاسا چٹا تے لتاں اتے کالے چھلے ہوندے نیں۔ اوناں دا سر سرمئی رنگ دا ہوندا اے تے سر تے چٹے پنڈے وشکار چھاتی اتے اک کالی دھار ہوندی اے۔

نر ہارپی عقاب دا وزن 6 - 9 کلوگرام ہوندا اے۔ اک 12.3 کلوگرام وزنی ہارپی عقاب وی لبیا گیا سی۔ ہارپی عقاب 2 فٹ 10 انچ توں 3 فٹ 6 انچ اچے ہوندے نیں تے اوناں دا پر ناپ 5 فٹ 9 انچ توں 7 فٹ 4 انچ تک ہوندا اے۔ اوناں دا پر اگے توں پچھے تک 1 فٹ 9 انج توں 2 فٹ 1 انچ تک ہوندا اے تے پوچھل 1 فٹ 5 انچ تک ہوندی اے۔

ہارپی عقاب جگ دے سب توں وڈے عقاباں چوں اک نیں، فلپائن عقاب زرا جیا لما ہوندا اے تے سٹیلر سمندری عقاب تھوڑا وزنی ہوندا اے۔ ہارپی عقاباں دے پراں دی لمائی دوجے عقاباں تے شکاری پنچھیاں دے حساب نال کٹ ہونی اے، مگر ایدے نال اوہ کنے بارشی جنگل وچ شکار کر سکدے نیں۔ ہارپی عقاب اپنے گھونسلے توں دور چپ چپ ای ریندے نیں۔ جوان ہارپی عقاب چیخاں ماردے نیں تے چوزے 'چی-چی-چی' کردے نیں۔

پسار[لکھو]

اے اپنے پسار وچ وی کٹ ای ملدا اے۔ ہارپی عقاب میکسیکو (میکسیکو وچوں تقریبا مک گیا اے) توں وشکارلے امریکہ تے دکھنی امریکہ وچ اتلے ارجنٹاین تک پایا جاندا اے۔ ہارپی عقاب برازیل وچ سب توں عام ہوندا اے۔ وشکارلے امریکہ وچ جنگاں دی کٹائی دی وجہ نال ہارپی عقاب صرف پانامہ وچ ای رہ گیا اے۔ ہارپی عقاب کٹ اچائی تہ وسدے نيں: سمندر توں 900 میٹر اچائی توں کٹ پاۓ جاندے نیں مگر ایناں نوں 2000 میٹر تہ وی ویکھیا گیا اے۔

ہارپی عقاب اڈدیاں

کھان پین[لکھو]

ہارپی عقاب چوٹی دا شکاری اے۔ اے رکھاں وچ وسدے میمل مار کھاندا اے: جنج باندر تے سلوتھ۔ اس توں علاوہ اے عقاب طوطے وی ماردا اے تہ سپ تے وڈیاں چھپکلیاں وی شکار کردا اے۔ اے عقاب وڈے جانور جنج ہرن وی شکار کردا اے مگر اوناں نوں چک کہ نئیں لے جاندا بلکہ اوتھے ای کھا پی کہ اڈ جاندا اے۔

ہارپی عقاب 7 کلوگرام توں وزنی شکار کردا اے۔ ہارپی عقاباں دے پنجے سب عقاباں توں طاقتور ہوندے نیں۔ ہارپی عقاب بہ کہ ویکھدا ریندا اے تے جدوں کوئی شکار دسدا اے ایہ اڈ کہ اونوں شکار کر لیندا اے۔

نسل ودھائی[لکھو]

چڑیا کعر وچ ہارپی عقاب

ہارپی عقاب جوڑے دا گھونسلا دوجے جوڑیاں دے گھونسلے نیڑے تریڑے ای ہوندا اے۔ ہارپی عقاب دکھنی امریکی رکھ کاپوک وچ گھونسلا بناندا اے، کاپوک دکھنی امریکہ دے سب توں اچے رکھاں چوں اک اے۔ ہارپی عقاب دو جوڑا سارے جیون کھٹیاں ریندا اے تے ہر 2-3 ورے بعد اک چوزہ پالدے نيں۔ نر عقاب 2 انڈے دیندی اے۔ انڈے توں 56 دناں بعد چوزا نکلدا اے۔ جدوں کسے اک انڈے چوں چوزا نکل آۓ دوجے انڈے دے اتے اودے ماپے توجہ نئیں دیندے تہ اوہ مک جاندا اے۔ چوزہ انڈے توں نکل دے 36 دناں بعد کھلو تے ٹر سکدا اے۔ 6 معینے دی عمر وچ چوزہ اڈن لگ جاندا اے جس دے بعد وی 6 - 10 معینے اونوں اودے ماپے کھواندے نیں۔ 4 ورے دی عمر وچ چوزہ جوان ہوجاندا اے۔

بچاؤ[لکھو]

ہارپی عقاب بوت وڈے تھاں تہ پایا جاندا اے مگر ایناں نوں جنگلاں دی کٹائی توں بوت خطرہ اے۔ ہارپی عقاب نوں بچان دے پروگرام وشکارلے تے دکھنی امریکہ دے کئی دیساں نے ٹورے ہوۓ نیں۔ ایہ پروگرام ایناں دا دیہان رکھدے نيں تے جنگلاں دی کٹائی دے اتے روک لاندے نیں۔