ہند پاک بارڈرنامہ

ہند-پاک بارڈرنامہ، نرمل نما لنگاہ دی لکھی سوے-جیونی ہے۔ اس وچّ لکھاری نے ہند-پاک بارڈر دے آرپار جان دی کہانی دسی ہے۔ لکھاری پاکستان دیکھن دی اپنی خواہش پوری کرن لئی اک وار اپنے علاقے دے کجھ بلیکیاں نال غیرقانونی ڈھنگ نال ہند-پاک دا بارڈر پار کرکے پاکستان جاندا ہے۔ اس پھیری دوران اس دا سیالکوٹ وسدی اک پاکستانی کڑی نال پیار پے جاندا ہے۔ نتیجے وجوں اوہ اپنی پریمکا نوں ہر 10-15 دناں بعد غیرقانونی ڈھنگ نال بارڈر پار کرکے ملن جان لگدا ہے۔ ایہہ سلسلہ کئی سالاں تکّ چلدا رہندا ہے۔ ہند-پاک بارڈرنامہ اس سلسلے دوران ہوئے اس دے تجربے دی سچی کہانی ہے۔ لکھاری کہندا ہے کہ اس نے اس کہانی وچّ بہت ہی ایمان داری نال سچ دسیا ہے۔ اس دے شبداں وچّ، اس نے "کسے وی کردار، پنڈ، چونکی وغیرہ دا بدلیا نہیں ناں۔ وڈی مجبوری کارن صرف بدلے نے کجھ ناں تے تھاں کانڈ چار تے ویہہ دے۔"

بارڈرناما وچّ لکھاری دی پیار کہانی دے نال نال ہند-پاک بارڈر دے آرپار بلیک (سمگلنگ) کرن والے لوکاں دی زندگی بارے وی پرمانی جانکاری ملدی ہے۔ لکھاری نے ایہناں لوکاں نوں ماڑے جاں چنگے دکھاؤن دی کوشش نہیں کیتی۔ سگوں اوہناں نوں ہڈّ-ماس دے بنے عامَ انسان دکھایا ہے، جو اپنیاں حالتاں دے مارے اس دھندے وچّ پے جاندے ہن۔ لکھاری کہندا ہے " (مینوں) وڈی کھچّ پاؤندے نے ایہہ لوک۔ میرے دل نوں روح نوں۔ پولیس اتے لوکاں دیاں نظراں وچّ بھاویں اوہ بھیانکتا دی حد تکّ ہندے نے خطرناک، لٹیرے جاں دھاڑوی۔ میرے لئی اوہ پاتر نے۔ بڑے معصوم، نتانے تے نمانے جئے۔ اوہناں نوں وی گھڑیا اے سماج نے ای۔ اوہناں دے کرداراں دے پیشکاری کرنی ایمان داری نال میرا اخلاقی فرض اے، وڈی ذمہ واری وی۔"