ہیر رانجھا (فلم)

ہیر رانجھا (فلم)

ڈائرکشن	مسعود پرویز
بنائی	اعجاز درانی مسعود پرویز
لکھیا	جعفر عرش
کم کرں والے	فردوس، اعجاز، منور ظریف، رنگیلا
موسیقی	خواجہ خورشیدانور
گانے	احمد راہی
ڈائلاگ	احمد راہی
گان آلے	نور جہاں، نسیم بیگم، آئرن پروین، منیر حسین، مسعود رانا، مجیب عالم تے غلام علی
سینما تے آئ	19 جون 1970
بولی	پنجابی
بنی	لہور پاکستان

ہیر رانجھا پنجابی چ بنن والی اک فلم اے جیہڑی 1970 وچ لہور وچ بنی۔ ایہہ فلم پنجاب دی اک عشقیہ کہانی ہیر رانجھا دے دوالے بنی اے۔

کہاݨی

ہیر اک بہت سوہنی عورت سی جیہڑی سیال جٹاں دے اک کھاندے پیندے ٹبر وچ جمی۔ رانجھا، جیہدا پورا ناں دھیدو رانجھا سی اک جٹ سی جیہڑا چناب دے کنڈھے تے اک پنڈ تخت ہزارہ دا رہن والا سی۔ اوہ چار بھراواں وچ سبھ توں نکا سی تے اپنے پیو دا لاڈلا سی۔ اپنے بھراواں وانگوں زمینداری کرن دے بجاۓ رانجھے نوں ونجلی وجان دا چوکھا شوق سی۔ بھراواں نال چگڑن توں مگروں رانجھا اپنا پنڈ چھڈ دیندا اے تے ہیر دے پنڈ آ جاندا اے۔ ایتھے اوہنوں ہیر نال عشق ہو جاندا اے۔ ایتھے اوہ ہیر دے پیو دے ڈنگر چران لگ جاندا اے۔ رانجھے دی ونجلی ہیر تے جادو کردیندی اے تے اوہ وی رانجھے نوں چاہن لگ جاندی اے۔ ہیر دے چاچے کیدو نوں اس دا پتہ لگ جاندا اے تے اوہ ہیر دی ماں ملکی تے پیو چوچک نوں بھڑکاندا اے۔ ہیر دا ویاہ زبردستی اک ہور بندے سیدو کھیڑے نال کر دتا جاندا اے۔ رانجھا ٹٹے ہوۓ دل نال ٹلہ جوگیاں آندا اے۔ ٹلہ جوگیاں ضلع جہلم چ اک پہاڑ اے۔ ایتھے جوگیاں دا ٹھکانہ سی۔ رانجھا کن پڑوا لیندا اے جگ نوں چھڈ دیندا اے تے جوگی بن باندا اے۔ پنجاب دے پنڈاں چ پھردا پھردا اے تے ہیر نوں مل جاندا اے۔ دوویں ہیر دے پنڈ آندے نیں تے ہیر دے ماں پیو دوناں دے ویاہ لئ من جاندے نیں پر ہیر دا چاچا کیدو ہیر نوں زہر دے دیندا اے۔ ہیر مرجاندی اے تے ہیر دی موت دے دکھ نال رانجھا وی زہر کھا کے مرجاندا اے۔