احمد راہی
احمد راہی ، پنجابی شاعر تے لکھاری سن۔ اوہناں دا جنم امبرسر وچ ہویا۔ اوہناں نے 1947ء دی ونڈ اتے اس کارن پنجابیاں دے ہنڈھائے سنتاپ بارے لکھیا۔
اوہناں دی شعری رچنا ترنجݨ 1952ء وچ شائع ہوئی۔ اوہناں نے کئی مشہور فلماں لئی گیت وی لِکھے، جیہناں وچ ہیر رانجھا، مرزا جٹ، مراد بلوچ، ناجو، یکے والی وغیرہ شامل نیں۔
احمد راہی پنجابی زبان دے شاعر سن۔ اوہ امبرسر وچ 12 نومبر 1923ء نوں جمے۔ ستمبر 2002ء وچ فوت ہو گئے۔
ترنجݨ
[سودھو]ترنجݨ احمد راہی دی پنجابی شاعری دی پہلی کتاب سی اے 1952ء وچ چھپی تے ایہ 1947ء وچ ہون والی پنجاب دی ونڈ اُتے آ۔
فلم
[سودھو]اجد راہی نے فلماں دے گیت وی لِکھے۔
شاعری نمونہ
[سودھو]ناں کوئی سہریاں والا آیا
تے ناں ویراں ڈولی ٹوری
جس دے ہتھ جیہدی بان٘ھ آئی
لے گیا زور و زوری
نمھی نمھی واء وگدی
رکھ ڈولدے تے اکھ نئیں لگدی
نمھی نمھی واء وگدی
سانوں ٹھگّ گئی یار اکھّ ٹھگّ دی
نمھی نمھی واء وگدی
راہواں راہواں تکّ تکّ تھکدیاں نہ
اکھاں اکدیاں نہ
نی میں بِنا دیکھے نیندے رہ سکدی نہ
ہݨ بنا دیکھے نیندے رہ سکدی نہ
اوہدی تان٘گھ تے نالے ڈیری جگّ دی
نمھی نمھی واء وگدی
لوکاں کولوں تے لکاوانگی ہسّ ہسّ کے
جھوٹھ سچ دسّ کے
پر دل کولوں جاوان٘گی میں کتھے نسّ کے
لاٹ پیار والی لٹ لٹ جگدی
نمھی نمھی واء وگدی
جاواں پاݨی بھرنے نوں تڑکے تڑکے
میرا دل دھڑکے
جے بلا لیا اوہنے کِتے بان٘ھ پھڑکے
ڈھیری بھکھ پؤُ دی ہوئی اگّ دی
نمھی نمھی واء وگدی
تاریا وے تیری لوء
چناں وے تیری چاننی
تاریا وے تیری لوء
تاریا وے تیری لوء
میرے ہاسے لٹّ کے کھیڑیاں
میرے دتے ہونٹھ پرو
میں امانت رانجھے چاک دی
میرے نال ہویا دھروہ
عمراں دیاں سانجھاں ٹٹیاں
اج گئے نکھیڑے ہو
تاریا وے تیری لوء
رووݨ خوشیاں سہکن ہاسے،
جاواں کیہڑے پاسے
چار چپھیرے گھپّ ہنیرے،
ہاڑھا وے اڑیو
تاریا وے تیری لوء
بابل دیاں اکھیاں دے چانݨ
امیں دے ارمان
موت دی گھوڑھی چڑھے
اج ویراں دی بھیݨ نماݨی
کس دی واگ پھڑے
بھیݨاں دے ویریو
بھیݨاں دے ویریو
تاریا وے تیری لوء