یاشیکا دت

یشکا دتّ
جم	5 فروری 1986 (40 سال)  اجمیر، راجستھان، بھارت
وفات
شہریت	بھارت
قومیت	بھارتی
عملی زندگی
پیشہ	صحافی اتے لکھاری
دور فعالیت	2005 - ہال
کارہائے نمایاں	Coming Out as Dalit

یشکا دتّ اک بھارتی لکھاری اتے صحافی اے، جو اس ویلے نیویارک سٹی وچ رہندی اے۔یشکا نے فیشن، لنگ، پچھان، سبھیاچار اتے جاتی سمیت کئی موضوعاں اُتے لکھیا اے۔ اوہ پہلاں نویں دلی وچ ہندوستان ٹائیمز دے ایتوار دے میگزین برنچ دے پرنسپل پتر پریرک رہی اے۔ اسنے ایشیئن ایج نال وی کم کیتا۔

مڈھلی زندگی اتے سکھیا

یشکا دا جم 5 فروری 1986 نوں اجمیر، راجستھان دے والمیکی (دلت) پروار وچ ہویا۔ اس دی ماں دا نام ششی دتّ اے۔ اسنے 2007 وچ سینٹ سٹیفنز کالج، دلی توں بیئیسسی کیتی سی۔ یشکا نے سال 2015 وچ کولمبیا یونیورسٹی دے گریجوئیٹ سکول آف جرنلزم توں آرٹس اتے سبھیاچار صحافت وچ ماسٹر دی ڈگری پوری کیتی۔

کیریئر

اک آزاد صحافی ہون دے ناطے، یشکا نے ہندوستان ٹائیمز، لائیو منٹ، سکرول۔ان، د وائر اتے ہپھپوسٹ انڈیا نال کم کیتا اے۔ ہندوستان ٹائیمز نال اپنے کارجکال دوران، اسنے ہندوستان ٹائیمز دے ایتوار دے میگزین برنچ لئی سوشل میڈیا سرگرمیاں دی شروعات کیتی۔ یشکا دلتاں نال جڑے سماجی مدعیاں اُتے لکھدی اے اتے اک ٹمبلر بلاگّ پورٹل دلتڈسکرمینیشن۔ٹمبلر ڈوٹکوم (dalitdiscrimination.tumblr.com) دی بانی اے۔ یشکا نے بھارت، نیپال، بھوٹان، ترکی اتے ہنگری توں صحافت کیتی اے۔

کتاب

آلف بکّ کمپنی ولوں شائع کمنگ آؤٹ ایز دلت یشکا دی کتاب اے۔ اس وچ اس دیاں یاداں ہن جو اک دلت پروار وچ جمی پلی اے۔ کتاب وچ، اوہ دسدی اے کہ کویں اس نوں اپنی جاتی چھپاؤن اتے کسے ہور جاتی 'چوں ہون دا دکھاوا کرنا پیا، اتے کویں اوہ اس سارے ویلے دوران اپنی اصل پچھان دا پتہ لگن توں ڈری رہندی سی۔ اچّ جاتی دی عورت ہون دا دکھاوا ختم کرن دا اسدا فیصلہ دلت طالب علم روہت ویمولا دی خدکشی توں بعد عوامی کیتے گئے اس دے آخری پتر توں متاثر ہویا سی۔ ایہہ کتاب اپنی اصل پچھان نوں پروان کرن تک دے اسدے سفر دا بیان اے۔ کتاب نجی تزربیاں نال بنی اک سماجی ٹپنی اے۔ اس نوں ساہت اکادمی یوا انعام سال 2020 وچ انگریزی گٹھ وچلی کتاب لئی ملیا۔

حوالے