بعلبک

بعلبک دا اک ہیکل

بعلبک دا ہیلوپولس

بَعْلَبَک لبنان دا اک قدیم شہر اے ۔ اس دے کھنڈرات اج وی اس دے ماضی دی نشانیاں دے طور تے موجود نیں ۔ ایتھے بعل ، سورج دیوتا دی پوجا ہندی سی اس لئی یونانیاں نے اسنوں ہیلی پولس یعنی سورج دا شہر دا ناں دتا سی ۔ رومی سلطنت دے زمانے چ اسنوں بوہت اہمیت حاصل سی ۔ رومی حکمران آگسٹس نے اسنوں اک نوآبادی بنا دتا سی ۔ 1750ء چ اک بھچال ( زلزلے) چ ایہہ شہر تباہ ہو گئیا ۔ اس دے مگروں فیر آباد ہو گئیا تے اج ایہہ لبنان دے اہم شہراں چ شمار ہندا اے ۔

جغرافیہ

بعلبک سطی سمندر توں 1170 میٹر اچا تے دریائۓ لیطانی دے چڑھدے ج واقع اے ۔ بعلبک دا رومی سلطنت دے ویلے چ ناں ہیلوپولس (سورج دا شہر) سی ۔ اس شہر چ پرانے زمانے دے بوہت پتھر دے بوہت سارے ستون نیں تے ایداں اس دا مقابلہ ایران دے شہر شیراز دے تخت جمشید نال کیتا جا سکدا اے۔ اسیران کربلا دا قافلہ اس شہر توں لنگھ کے دمشق گیا سی تے مسیحی راہب دا واقعہ پیش آیا سی ۔ اس شہر چ مسجد راس الحسن علیہ سلام واقع اے جس تھاں تے ایہہ واقعہ پیش آیا سی ۔

شہر دے باسیاں دا مذہب

بعلبک شہر دے رہن آلےآں دا مذہب اینج اے:

• شیعہ 59 فیصد
• سنی 23 فیصد
• مارونی 15 فیصد
• کیتھولک عیسائی 2 فیصد
• آرتھوڈوکس عیسائی 1 فیصد