جیمز براڈ وڈ لائل

جیمز براڈ وڈ لائل
جنمستھان :	سرے، انگلستان
جمن ورھا :	6 مارچ 1838
دیس :	انگلستان
کم :	سِول سرونٹ (انڈیا)، لیفٹیننٹ گورنر پنجاب
مرن دیہاڑ :	4 دسمبر 1916
مرنستھان :	کینٹ، انگلستان
ماں :	میری ڈرمونڈ
پیو :	الفرِڈ لائل

جیمز براڈ وڈ لائل (James Broadwood Lyall)، برطانوی ہند وچ انڈین سِول سرونٹ سی۔ 1859 وچ پنجاب کمیشن وچ متعین ہوئے تے پنجاب دے فنانس کمشنر دے طور تے کم کرن لگ گئے۔ 1883 توں 1887 دے وچکار میسور وچ ریزیڈینٹ تے کورگ دے چیف کمشنر مقرر ہوئے۔

پنجاب وچ لیفٹینٹ گورنر

جیمز لائل 2 اپریل 1887 نوں پنجاب دے لیفٹیننٹ گورنر بݨے۔ اوہناں نے پنجاب وچ نہری کالونیاں نوں ترقی دتی تے قریبی دریاواں نوں ورت کے بنجر زمین نوں وائی بیجی دے قابل بناوݨ دا منصوبہ تیار کیتا۔ پنجاب دے ساندل بار دی چناب کالونی نوں ترقی دے کے شہر بݨاوݨ دا مُڈھ رکھیا تے شہر دا ناں لیفٹیننٹ گورنر پنجاب جیمز بروڈوڈ لائل دے ناں نال منسوب کر کے لائل پور رکھیا گیا۔ 1979 وچ پاکستان دی حکومت نے لائل پور دا ناں بدل کے سعودی عرب دے فرماںروا شاہ فیصل دے ناں اُتے فیصل آباد رکھ دتا۔

وفات

4 دسمبر نوں 1916 نوں جیمز لائل دا انتقال ہوگیا تے اوہناں نوں کینٹ، انگلستان دے مقامی قبرستان چ دفنایا گیا۔