وائی بیجی

زمین نوں تیار کر کے اوہدے وچ فصل اگاݨ، ڈنگر پالن تے ہور اوہ چیزاں پیدا کرن جیہناں تے جیون دی نیو اے ایہو جہے کم نوں وائی بیجی کہندے نیں۔ وائی بیجی دے ٹرن نال ای انسانی رہتل دی نیو پئی۔ وائی بیجی دنیا دے وکھرے تھاں واں تے اوتھے دے حلات، زمین، موسم دیاں نیواں دے چلی۔

ناں

وائی بیجی پنجابی بولی دا شبد اے تے ایہدا مطلب اے زمین نوں واہݨا یا ہل چلاݨا تے وچ بی لانا۔

وائی بیجی پنجاب دی رہتل دی نیوں اے۔ وائی بیجی نال ای انسانی رہتل دی شروعات ہوئی۔ پرانیاں بستیاں ہڑپہ، مہنجوداڑو وائی بیجی دی بنیاد تے ای ٹریاں۔