درہ دانیال

نقشے چ درہ دانیال (پیلے رنگ چ)

درہ دانیال ، بلقان نوں ایشیائے کوچک توں علیحدہ کردی اے

درہ دانیال (ترکی بولی چ:چناکلے بوغازی) باسفورس دا جنوبی حصہ اے جہڑا بحیرہ اسود نوں بحیرہ روم نال ملاندا اے ۔ ایہہ آبناۓ 40 میل لمبی تے 1 توں 4 میل چوڑی اے تے یورپ نوں ایشیاء توں جدا کردی اے ۔

تریخ

تریخ چ اسدااہم کردار اے ۔ اسدے متعلق سب توں پہلا تریخی واقعہ اوہ اے جدوں اردشیر نے استے پل بنائیا ۔ انگریز شاعر بائرن نے اسنوں تیر کے پار کیتا تاکہ ایہہ ثابت ہو جائے کہ لینڈر دا کارنامہ کوئی خاص اہمیت نئيں رکھدا سی ۔ ایہہ آبنائے ترکی دے قبضے چ 14ویں صدی عیسوی چ آئی جدوں سلطنت عثمانیہ نے استے قبضہ کیتا سی ۔ روسی سلطنت نوں کیونکہ بحیرہ روم داخل ہون لئی اس چوں گذرنا پئندا اے اس لئی روس دی ہر حکومت استے قبضہ کرن دی خواہش مند رہی ۔ 1833ء جدوں زار روس نے مصر دے باغی محمد علی پاشا دے خلاف عثمانی سلطان دی مدد کیتی تے سلطنت عثمانیہ نے درہ دانیال چ روسی سلطنت نوں خاص مراعات دتیاں تے روسی جہازاں نوں ایہہ حق دتا کہ اوہ جد چاہن ایتھے آؤن تے لنگھن پر یورپی طاقتاں نوں ایہہ ناگوار گذریا بالخصوص اس لئی کہ بصورت جنگ اوہناں نوں اس آبناۓ چ جہاز داخل کرن دی اجازت نئیں سی ۔ چنانچہ اوہناں نے 1840ء چ لندن کنونشن دے زریعۓ ترکی تے دباء پاء کے اس کولوں روس لئی مراعات منسوخ کروا دتیاں ، 1914ء تک ایہہ نظام رائج رہیا ۔

جدید تریخ

جنگ عظیم اول چ اتحادیاں طاقتاں نے درہ دانیال نوں فتح کرن دی کوشش کیتی پر مونہہ دی کھادی ۔ جنگ دے خاتمے تے اتحادیاں نے گیلی پولی دا ساحل یونان نون دے دتا جس نال ترکی دی اہمیت چ فرق آئیا ۔ 1922ء مصطفی کمال اتاترک نے بزور شمشیر اسنوں یونانیاں کولوں واپس لے لئیا ۔ 4 اگست 1923ء چ معاہدہ لوزان دی رو نال بین القوامی تحویل چ دتا گئیا ، 30 جولائی 1936ء چ مانٹرو کنوینشن دی رو نال اس تے ترکی دا حق عملا تسلیم کرلئیا گئیا ۔

ہور ویکھو

• باسفورس

• درہ دانیال مہم

حوالے

• پیٹر گرین ، فارس یونان جنگاں (لندن 1975) صفحہ 75 ۔

باہرلے جوڑ

• چناکلی شہر دیاں مورتاں
• چناکلی اوسیکیز مارت یونیورسٹی
• ہیلیسپونٹ دے نقشے