کیسپیئن سمندر

42°00′N 50°30′E / 42°N 50.5°E
نقشہ

منطقہ

ساحلی دیس

روس ، قازقستان ، ترکمانستان ، ایران ، آذربائیجان

خصوصیات

چوڑآئی

435 کلومیٹر

گہرائی

1025 میٹر ، 211 میٹر

رقبہ

386400 مربع کلومیٹر

کیسپیئن سمندر جس نوں قزوین سمندر وی کیندے نیں تھاں نال جگ دی سب توں وڈی جھیل ہے۔ اس دا تھاں 3 لکھ 71 ہزار مربع کلومیٹر ہے جدکہ حجم 78 ہزار 2 سو معکب کلومیٹر ہے ۔ ایہہ ایشیاء تے یورپ وچکار چارے پاسیئوں زمین نال گھریا ہوئیا پانی انگ ہے ۔ اسدی ودھ توں ودھ ڈونگھائی 1025 میٹر ہے ۔

کیسپیئن سمندر نوں سمندر اس لئی وی آکھیای جاندا ہے جدوں پہلی وار رومی اس دے کنڈھے تے اپڑے اَتے اوہناں نے اس دا پانی چکھیا جیہڑا کہ نمکین سی اَتے اوہناں نے اسنوں سمندر آکھیا۔

کیسپیئن سمندر دا کنڈھا روس ، ایران ، آذربائیجان ،ترکمانستان اَتے قازقستان نال لگدا ہے ۔

کیسپیئن سمندر منیچ اتے ڈون وولگا نہر دے راہیں کالا سمندر نال جڑیا ہے اتے اینج ساری دنیا نال جڑیا ہویا ہے اتے اس دے کنڈھے دیساں دا بپآر اتے دوجے مال بردار جہاز کیسپیئن سمندر توں دریائے وولگا اتے فیر ڈون وولگا نہر تھانی ہندے ہوئے دریائے ڈون دے وچوں لنگھدے ہوئے ازوف سمندر اتے فیر کالا سمندر دے راہ رہندی دنیا وچ جاندے نیں۔

آذربائیجان دا راجگڑھ باکو وی اس دے کنڈھے تے وسدا ہے ، جیہڑا کہ اس علاقے وچ تیل دی کڈھائی دا وڈا گڑھ ہے ۔ کیسپیئن سمندر تیل دی دولت نال وی مالامال ہے ۔ دنیا وچ سب توں پہلا تیل دا کھوہ (کنواں) وی اس دے کنڈھے تے کھودیا گیا سی ، جس دی گل ذکر مشہور پاندھی مارکوپولو نے اپنے سفر نامے وچ کیتا ہے پئی اوہ جدوں باکو دے کولوں لنگھیا تاں اسنے ایتھے تیل دے کھوہ ویکھے جتھوں لوک تیل لیندے سن۔