نیلز بوہر

Wikipedia توں
جاؤ: پاندھ, کھوج
نیلز بوہر
Niels Bohr.jpg
جیون جمے 7 اکتوبر 1855، کوپن ہیگن، ڈنمارک
مرنا 18 نومبر 1962(عمر 77) کوپن ہیگن، ڈنمارک
دیس ڈنمارک
کم سینسدان، پروفیسر
گن کوانٹم مکینکس، ایٹمی ماڈل، سومرفیلڈ-بوہر تھیوری تے بوہر آئینسٹائین بحث

نیلز بوہر(1885-1962) اک ڈنمارک دا اک فزکس دا گرو سی۔ اونے ایٹم دی شکل دسی تے کوانٹم مکینکس چ کم کیتا تے اس تے اونوں 1922 چ نوبل انعام دتا گیا۔ اونے اپنی کوپن ہیگن چ یونیورسٹی چ اپنے دور دے کئی دوجے فزکس دے گروواں توں سکھیا تے اونا دے نال کم کیتا۔ اونے امریکہ دے پہلے ایٹم بم بنان دی ٹیم چ وی کم کیتا۔ اونے 1912 چ ویاہ کیتی تے اودے اک پتر آگے بوہر وی فزکس دا گرو بن گیا جینوں 1975 چ نوبل انعام دتا گیا۔ اونوں دنیا دے 100 سب توں زبردست لوکاں چ گنیا جاندا اے۔

جیون[لکھو]

بوہر کوپن ہیگن، ڈنمارک چ 7 اکتوبر 1885 نوں جمے۔ اوناں دا پیو فزیالوجی دے پروفیسر سن۔ اودی ماں اک کھاندے پیندے یہودی ٹبر توں آئی سی تے بوہر دی ماں دے ٹبر دی ڈینمارک دے بینکاں چ تے پارلیمنٹ چ کافی پھڑ سی۔ اودا پرا ہیرالڈ بوہر اک ریاصی دا گرو سی ڈینمارک دی فٹبال ٹیم دا کھلاڑی سی۔ نیلز بوہر تے فٹبال کھیڈن دا شوکین سی تے اوہ اپنے پرا نال رل کے کوپن ہیگن دی اک ٹیم چ کھیڈدے سی۔

کم[لکھو]

اونے کوپن ہیگن یونیورسٹی چ داخلہ لیا تے اوتھے فلاسفی تے ریاضی پڑن لگ پیا پر 1905 چ سونے دا تمغہ جتن لئی اونے پانی دے اتلے کچھاؤ تے تجربے کیتے تے اوناں تے مضمون لکھیا اس دے مضمون نوں انعام ملیا تے اونے اس دی وجہ توں فلاسفی دی بجاۓ فزکس شروع کر دتی۔ اونے 1911 چ پی ایچ ڈی کیتی تے کیبرج یونیورسٹی پڑن ٹر پیا اس توں بعد اوہ ارنسٹ رتھرفورڑ نال پڑن لئی مانچسٹر، برطانیہ ٹر گیا۔ اونے رتھرفورڈ دیاں تھیوریاں اتے 1913 چ ایٹم دا ماڈل پیش کیتا۔ اس دے ایٹمی ماڈل دے باہر الیکٹران ہوندے سن تے نیوکلیس دے اندر نیوٹران تے پروٹان۔ اونے اپنے ماڈل چ اے وی کیا کے الیکٹران طاقتور کیرے توں توں اک کمزور کیرے چ اک فوٹان چھڈ کے جا سکدے نیں اس گل تے کوانٹم مکینکس دی نیو رکھی گئی۔

1916 چ نیلز بوہر کوپن ہیگن یونورسٹی چ پروفیسر بن گیا۔ ڈنمارک دی حکومت تے کارلس برگ فاؤنڈیشن دے ہتھ نال اونے تھیوریٹیکل فزکس دے ادارے دی 1921 چ نیو رکھی تے اوہ اودا ڈائیریکٹر وی بن گیا۔ 1922 چ اونوں ایٹم دی شکل سمجان تے فزکس چ نوبل انعام دتا گیا۔ دوجی جنگ عظیم چ جدصوں جرمنی نے ڈینمارک تے مل ماریا تے بوہر جیل جان توں بچن واسطے سویڈن نس گیا جتھوں اوہ لندن ٹر گیا۔

نیلز بوہر امریکہ دے ایٹم بم بنان چ کم کردا ریا تے اونوں چھپان لئی اودا ناں وی بدل دتا گیا۔ اونے امریکہ دے صدر روزویلٹ نال اس گل تے بحث کیتی کہ ایٹم بم دی ٹیکنالوجی سب دیساں نال شیئر کیتی جاۓ پر اے گل چرچل نوں چنگی نا لگی تے اونے اس گل نوں منن توں ناں کردتی۔

مرنا[لکھو]

اوہ ڈینمارک واپس آگیا تے ایٹمی ٹیکنالوجی نوں بغیر ہتھیار بنان تے استعمال کرن دی تحریک ٹوری جس تے اونوں انعام وی لبیا۔ اوہ کوپن ہیگن چ 1962 چ مر گیا تے اونوں اوتھ ای دبیا گیا۔