چھاتی

Wikipedia توں
جاو: مدد, کھوج
چھاتی
Cassatt Mary Maternite 1890.jpg
میری کساٹ دد پلاندیاں ہویاں

چھاتیاں یا ممے انساناں تے آگو مانساں دے پنڈے دے سامنے اتے والے انگاں نوں کیندے نیں۔ انساناں دے دو ممے ہوندے نیں۔ کڑیاں منڈیاں دوواں دے جمدیاں ای ہوندے نیں تے سوانیاں دے وڈھے ہون تے وڈے تے دسن لگدے نیں۔ ممیاں وچ دد والے غدود ہوندے نیں جناں وچوں دُد بن کے ڈوڈو چوں نکلدا اے۔

جوانی وچ سوانیاں وچ ایسٹروجن ہارمون باجوں چھاتیاں وڈیاں ہو جاندیاں نیں تے مرداں وچ ٹیسٹوسٹیران ہارمون باجوں اے نکیاں رہ جاندیاں نیں۔

کاکا ہون دے ویلے چھاتی دے ٹشو وچ ہارمون دے اثر توں وادا ہوندا اے تے دد بنان لئی چھاتی وڈی ہو جاندی اے۔ ایناں ہارموناں وچ ایسٹروجن، پروجیسٹرون تے پرولیکٹن شامل نیں جو ماہواری ویلے چھاتی تے بچہ دانی دے ٹشو وچ تبدیلی لیاندے نیں۔

ہر چھاتی وچ 15 توں 20 لوب ہوندے نیں۔ کھل دے تھلے ایڈیپوز ٹشو، اناں لوباں تے چڑھدے نیں جیدے باجوں چھاتی دی شکل تے سائز بندا اے۔ ہر لوب وچ کئی لوبیول ہوندے نیں۔ ہر لوبیول دے آخری نکڑ تے تھیلیاں ہوندیاں نیں جتھے ہارمون دے اثر توں دد بن کے وڑدا اے۔

ناں[لکھو]

ممے اک ہند یورپی شبد اے تے کئی بولیاں وچ ورتیا جاندا اے۔

وکھالہ[لکھو]

چھاتی دا وکھالہ: 1- سینہ کند، 2- پیکٹوریلس پٹھے، 3- لوبیول، 4- چوسنی، 5- ایریولا، 6- دد نالی 7- چکنا ٹشو، 8- کھل

چھاتی اک غدود اے جیدا کم کاکیاں لئی دد بنانا تے اوہناں نوں پلانا اے۔ دد پلان لئی چھاتیاں دے وچکار اک انگ چوسنی ہوندا اے جیدا رنگ گلابی توں گوڑا بھورا ہو سکدا اے۔ چھاتیاں دی اکائیاں دا کم چکنائی آلا دد بنانا ہوندا اے۔ اے اکائیاں ساری چھاتی تے پھیلیاں ہوندیاں نیں۔ چوسنیاں دے آلے دوالے ہر 30 ملی میٹر دے فاصلے تے لیکٹیفیرس ٹشو ہوندا اے۔ چھاتی وچ کولیجن، الاسٹن، چٹی چربی تے کوپر لگامنٹ وی ہوندے نیں۔

چھاتیاں دوجی پسلی توں لے کے چھٹی پسلی تک ہوندیاں نیں۔ سامنے توں چھاتی کلیوکل ہڈی توں لے کے سٹرنم ہڈی تک ہوندی اے۔ چھاتیاں وکھرے ٹشو دیاں بنیاں ہوندیاں نیں پر زیادہ ایڈیپوز ٹشو تے غدودی ٹشو ہوندا اے جو دد بنان دے کم لئی ہوندے نیں۔

چھاتی اک کون شکل دا وکھالا اے جیدا پیندا سینے دی کند نال تے نکڑ چوسنیاں تے ہوندا اے۔ چھاتیاں دا وزن ہر سوانی وچ وکھرا ہوندا اے جو 500 توں 1000 گرام تک ہو سکدا اے۔ انج اک نکی چھاتی دا وزن 500 گرام تے اک وڈی چھاتی دا وزن 750 توں 1000 گرام تک ہو سکدا اے۔ ہر چھاتی وچ چربی تے کنیکٹو ٹشو دا تناسب وکھرا ہوندا اے۔ اک سوانی دے جیون وچ عمر، ماہواری، حمل، دد پلائی تے بڑھاپے باجوں چھاتیاں دا سائز، شکل تے وزن بدلدا رہندا اے۔

کم[لکھو]

چھاتیاں دا مڈھلا کم دد بنان آلے غدود دے طور تے کم کرنا تے دد پلان دے ویلے کاکے نوں دد پلانا اے۔ چھاتی دی گول شکل دا اے فیدہ اے جے تاپ ضائع نئی ہوندا جو دد بنان لئی ضروری ہوندا اے۔ ایہدے گول ہون دا دوجا فیدا اے وے کہ دد پیندیاں ویلے کاکا ارام نال ساع لے سکدا اے۔

نشے آلی دوائیاں، زیادا کم تے اینڈوکرائین پربندھ وچ مسئلیاں نال دد بنن دا عمل کم ہو سکدا اے۔ دد بنن لئی سوانی دے لعو وچ پرولیکٹن تے آکسی ٹاسن ہارموناں دا ہونا ضروری اے۔

بارلے جوڑ[لکھو]