دند

آزاد انسائیکلوپیڈیا، وکیپیڈیا توں
دند
انسانی دند

دند، نکے، کیلشیم دے بنے، سخت، چٹے رنگ دے وکھالے نیں جیڑے ریڑھ دی ہڈی والے جنوراں دے منہ وچ پاۓ جاندے نے۔ دند خوراک نوں کھان ویلے نکا کرن لئی چبان، چیرن لئی کم آندے نے جے خوراک نوں اسانی نال نگلیا تے ہضم کیتا جا سکے۔ انسان چ 32 دند ہوندے نیں۔ دند دی جڑاں اتلے جباڑے (میگزلا) تے تھلویں جباڑے ( مینڈیبل) وچ ہُندیاں نیں تے مسوڑیاں نال ٹعکیاں ہوندیاں نیں۔ دند، وکھری کثافت تے سختی دے ٹشواں دے بنے ہوندے نیں۔

دند میملاں دے پنڈے دے سب توں واضح وکھالے ہوندے نیں تے لمے چر تک رہندے نیں۔ انساناں وچ دوجے میملاں وانگوں دنداں دے دو سیٹ ہوندے نیں۔ دنداں دا پہلا سیٹ جناں نوں "دد دے دند" وی آکھی دا اے، 6 مہینے دی عمر وچ شروع ہوندا اے۔ کاکیاں نوں دند نکلن ویلے پیڑ ہوندی اے۔

دند دا وکھالہ

وکھالہ[سودھو]

دنداں دے وکھالے دی پڑھت نوں "ڈینٹل اناٹمی" آکھی دا اے۔ ایس پڑھت وچ دنداں دی اگائی، وکھائی تے ونڈائی ایہدے وچ پڑھی جاندی اے۔ ایس توں علاوہ وکھرے دنداں تے اوہناں دے وکھالیاں دے نا وی رکھے جاندے نیں۔ انج اد دند گرو، علاج کرن ویلے دند دی فوری پہچان کر سکدا اے۔

دند دا چٹا حصہ کراؤن اخواندا اے تے "اینیمل" نال ٹعکیا ہوندا اے۔ دند دی جڑ "ڈینٹن" اخواندی اے تے "سیمینٹم" نال ٹعکی ہوندی اے۔ جس تھاں کراؤن تے جڑ جڑدے نیں اوہنوں "سیمینٹو اینیمل جنکشن" آکھی دا اے، ایہنوں دند دی تون وی آکھدے نیں۔ ڈینٹن وچ جڑ تے گودا نالیاں ہوندیاں نیں۔ دند وچ اک یا یک توں ود جڑاں ہو سکدیاں نیں۔ کینائن تے زیادہ تر پری مولر دنداں وچ اک جڑ ہوندی اے۔ پہلے میگزلری پری مولراں تے میندیبولر مولراں وچ دو جڑاں ہوندیاں نیں۔ میگزلری مولراں وچ ترے جڑاں ہوندیاں نیں۔

انساناں وچ دد دے 20 تے پکے 32 دند ہوندے نیں۔ دنداں دی ونڈاں وچ "انسائیزر (سامنے دے دند)"، "کینائن (چیرن پھاڑن آلے لمے دند)"، "پری مولر (پچھلے نکے دند)" تے "مولر (پچھلے وڈے دند/ داڑھ)" دند آندے نیں۔ "انسائیزر" دندان دا کم چکی وڈنا ہوندا اے جیویں گاجر، کیلے یا سیب نوں چکی پانا۔ "مولر" دنداں دا کم شیواں نوں چبان دا اے۔

کاکے دے دند

اگائی[سودھو]

دنداں دی اگائی اک اوکھا عمل اے جیہدے وچ دند ایمبریانک ولگناں توں بندے نیں، اگدے نیں تے فیر منہ وچ اُتے آوندے نیں۔ بہت ساری جندڑیاں وچ دند ہُندے نیں پر اوہناں وچ وی دنداں دی اگائی اندانی دند ورگی ہُندی اے۔ دند بنن دا عمل کاکا بنن ویلے توں ای کاکا تھیلی وچ شروع ہو جاندا اے۔

دند اگائی دے عمل نوں سمجھن لئی کافی کھوج کیتی جا رئی اے، ایہ منیا جاندا اے کے دند بنن دا عمل "برانکیئل آرک" توں شروع ہوندا اے۔

دنداں دی اگائی دے اے مرحلے ہوندے نیں: 1- بڈ مرحلہ، 2- ٹوپی، 3- گھنٹی، 4- آخری اگائی۔ دنداں دی اگائی اک مسلسل ہون آلا عمل اے، ایہنوں مرحلیاں وچ ونڈن دا مقصد اے جے ایہنوں اسانی نال سمجھیا جائے۔

دند بڈ ، ولگناں دا اک اکٹھ اے جیدے توں دند بندا اے۔ ایہدے ترے حصے پوندے نیں:1- اینیمل آرگن، 2- ڈینٹل پیپیلا، 3- ڈینٹل فالیکل

پری مولر دند دا گلن سڑن

دنداں دے روگ[سودھو]

پلیگ: دنداں تے بیکٹیریا نال بنن آلی حیاتی فلم جو پیلی دسی اے۔ کیوٹیاں: دنداں دے گلن سڑن نوں کیوٹیاں بننا آکھی دا اے۔ ایہدے نال دنداں وچ پیڑ ہُندی اے، دند ٹعے سکدے نیں تے انفیکشن ہو سکدا اے۔


بارلے جوڑ[سودھو]