الغ بیگ

آزاد انسائیکلوپیڈیا، وکیپیڈیا توں

الغ بیگ (1394 - 1449) تمیور دا پوتا، سلطان تے اک تارہ گرو سی۔ امیر تیمور دا علم دوست پوتا سی جسنوں شاہ رخ تیموری نے 1409ء چ ماوراء النہر تے سمرقند دا گورنر مقرر کیتا سی ۔ ایہہ علم فلکیات ج بہت دلچسپی رکھدا سی ۔ اس نے سمرقند چ اک وڈی رصدگاہ اساری تے تارہ پڑھت دے جہڑے نقشے اس نے تیار کیتے اوہ بہت صحیح سن ۔ 1656ء چ ایہہ نقشے لاطینی (لاطینی بولی) چ ترجمہ ہوئے تے آکسفورڈ توں شائع ہوئے ۔ ایران دا موجودہ کیلنڈر وی اسنے ترتیب دتا ہوئیا اے تے برجاں تے ناں تے مقام وی اس دے دتے ہوئے نیں ۔ اس دے دور چ سمرقند دا شمار جگ دے حسین ترین شہراں چ ہندا سی ۔ الغ بیگ اپنے باغی پتر لطیف دے ہتھوں قتل ہوئیا ۔