ایوبیہ نیشنل پارک

وکیپیڈیا توں
جاؤ: پاندھ, کھوج
ایوبیہ نیشنل پارک
Mukeshpuri.jpg
دیس: پاکستان
تھاں: 4,161 ایکڑ
نیڑے تھاں: مری
بنیا: 1984

ایوبیہ نیشنل پارک ضلع ایبٹ آباد، صوبہ خیبر پختونخوا پاکستان دا اک پارک اے جیڑا 3,312 ہیکٹر (8,184 ایکڑ) تھاں تے پھیلیا ہویا اے۔ پارک اسلام آباد توں 90 کلومیٹر دے پینڈے تے اے۔ ایہ پارک 1984 چ بنایا گیا۔ ایتھے گرم گلے تھانواں والے چیڑ ورگے تے چوڑے پتیانوالے رکھاں دے جنگل نیں۔ اچے ہرے پہاڑ، ونسونے بوٹے، جانور تے پنچھی ایس پارک دیاں اچیچیاں گلاں نیں۔ ٹھنڈیانی، نتھیاگلی، خانسپور تے ایوبیہ ایہدے دوالے تھانواں نیں۔

تریخ[لکھو]

پارک دا ناں پاکستان دے فوجی آگو تے صدر ایوب خان (1958 – 1969) دے ناں تے رکھیا گیا اے۔ ایوبیہ نیشنل پارک دا مڈھ 1984 وچ رکھیا گیا تے تھاں سی 1,684 ہیکٹر (4,161 ایکڑ)[6] یا 16.84 مربع کلومیٹر (6.50 مربع میل)۔ 1998 وچ ایس نوں ودھا کے 3,312 ہیکٹر (8,184 ایکڑ)33.12 مربع کلومیٹر (13 مربع میل) کردتا گیا۔ مکشپوری اتے جانوراں تے پنچھیاں نوں بچان لئی اک اچیچی تھاں وی بنائی گئی اے۔

1996 دی گنتی وچ ایتھے 2311 گھراں وچ 18000 لوک وسدے سن۔ لوکاں دی بولی پنجابی اے۔ پارک وچ سلانہ 250000 لوک آندے نیں۔

موسم[لکھو]

گرمیاں وچ پارک دا موسم چنگا ہوندا اے۔ سیال وچ ایتھے برف وی ڈگدی اے۔ گرمیاں وچ گرمی ناپ 40 تک وی اپڑ جاندا اے تے پالے وچ منفی ہوجاندا اے۔ مون سون دا مینہ ایتھے رج کے وسدا اے۔

جنگلی جیون[لکھو]

پارک دے پنچھی
Urocissa erythrorhyncha.jpg PucrasiaJoretianaGronvold.jpg BirdsAsiaJohnGoVIIGoul 0064.jpg
کھپر بھیگر بن ککڑ

پارک وچ جیون دیاں 420 ونڈاں ہے نیں۔ بلوط، دیودار، بیاڑ، پلندر، چیڑ، پلچھ دے رکھ ایتھے نیں۔ پارک وچ ددپلانے دیاں 22 ونڈاں نیں۔ باندر گلدار کنیس مشہور نیں۔ دد پلانیاں وچوں 2 کیڑے کھانے، 6 چمگادڑ، 6 ماس کھانے تے 7 کترے دد پلانے نیں۔

پارک وچ پنچھیاں دیاں 165 ونڈاں نیں۔ عام دسن والیاں وچ کوگ، ٹکا چور، کھپر نیں۔ بن ککڑاں وچ بھیگر تے بن ککڑ پارک دے واسی نیں۔

پارک وچ کرلیاں دیاں 8 ونڈاں نیں جنہاں دا جوڑ 5 ٹبراں تے 3 پتیاں نال اے۔

پارک وچ دودالے 309 ونڈاں وچ نیں تے اوہناں دا جوڑ 71 ٹبراں نال اے۔ اکدالے 65 نیں تے ننگے بی 5۔ لیچن دیاں 5 تے فنجائی دیاں 9 ونڈاں نیں۔

اچے پہاڑ[لکھو]

پارک دے پہاڑ
Miranjani from Nathiagali.JPG Mukeshpuri from Road.JPG Tilla Donga.JPG
میراںجانی مکشپوری ٹلہ ڈونگا

پارک دے اجے پہاڑاں وچ مکشپوری، میراںجانی تے ٹلہ ڈنگا گلی نیں۔ میراںجانی 9700 فٹ اچائی نال پارک دا سب توں اچا تے ضلع ایبٹ آباد دا سب توں اچا پہاڑ وی اے۔ مکشپوری سب توں ہرا اے تے ایہدی چوٹی تے چوکھی تھاں اے۔ ایہ پہاڑ ہندواں دا مقدس پہاڑ وی اے تے اوہناں دیاں پرانیاں کتاباں وچ ایہدے بارے ہے۔

پارک دے پھل
Daisy fields on Mukeshpuri.JPG Mukeshpuri top shrub.jpg Mukeshpuri track flower.jpg

ڈنڈی[لکھو]

پارک وج ڈونگا گلی توں ایوبیہ تک جانوالی اک ڈنڈی اے جیہڑی 4 کلومیٹر لمی اے۔

Ayubia - Donga Gali dandee.jpg

ہور ویکھو[لکھو]

بارلے جوڑ[لکھو]

٭[1]