برج خلیفہ

وکیپیڈیا توں
(لیایا گیا برج دبئی)
جاؤ: پاندھ, کھوج
برج خلیفہ
دیس: متحدہ عرب امارات
تھاں: دبئی
اچا‏‏ئی: 829.84 میٹر/(2,723 فٹ)
بنن ورہ: 2010
بنن ویلہ: 2004–2010

برج خلیفہ دبئی متحدہ عرب امارات وچ 2010 توں دنیا دی سب توں اچی بلڈنگ اے[1]۔ ایہ 829.84 میٹر اچی اے[2]۔ ایہ 2010 وچ بنی۔ ایڈریان سمتھ ایدا بنان والا اے۔ ایدے بنان تے 1.5 ارب امریکی ڈالر لگے نیں[3]۔

دنیا دی سبھ توں اچی تے شاندار عمارت : برج خلیفہ[لکھو]

دبئی متحدہ عرب امارات دا سبھ توں مشہور شہر ہے ۔ دبئی اک سربپکھی شہر وجوں ترقی کر رہیا اے ۔ ایہہ پوری دنیا وچ اپنیاں اچیاں، گگن چمبی تے وکھرے ڈزائین والیاں عمارتاں لئی مشہور ہے ۔ دبئی نوں ویکھن لئی سیلانیاں دی آمد وچ ہر سال وادھا ہو رہا ہے ۔ سنّ 2010 وچ دبئی نے اپنی شان وچ ہور وادھا کردیاں برج خلیفہ پیش کیتا، جو اپنے-اپنے وچ کسے عجوبے نالوں گھٹّ نہیں ۔

دبئی دی دھرتی 'تے رنگدار، سنگیتی فوارےآں دے کول برج خلیفہ دے ہیٹھاں کھڑے ہو کے جد اس عمارت نوں ویکھیا جاندا ہے تاں ہر کسے نوں گردن نوں پورا پچھے کیتے بناں اس اچی عمارت (820 توں 830 میٹر) دے درشن نہیں ہندے ۔

برج خلیفہ نوں ویکھ کے وار-وار ایہہ احساس ہندا ہے کہ واقعی انسان دی سوچ نے کمال کر دتا ہے ۔

برج خلیفہ دیاں خاص گلاں[لکھو]

پہلاں اس دا ناں برج دبئی سی پر بعد وچ متحدہ عرب امارات دے صدر تے ابو ظہبی دے راجا شیخ خلیفہ بن زاید النہیان دے ستکار وچ ناں بدل کے برج خلیفہ رکھیا گیا سی ۔ صرف سبھ توں اچی عمارت ہی نہیں برج خلیفہ، اس دیاں ہور وی وشیشتاواں(خاصیتاں) ہن جویں کہ :-

  • (1) سبھ توں زیادہ منزلاں والا منار
  • (2) دنیا وچ سبھ توں اچی منزل، جتھے لوکاں دی آواجائی ہے ۔
  • (3) سبھ توں اچی نگرانی والا ڈیکّ جتھوں کہ لوک دبئی دا نظارہ لیندے ہن ۔
  • (4) سبھ توں لمبی تے تیز چلن والی لفٹ، جو کہ اک منٹ وچ 124ویں منزل 'تے پہنچاؤندی ہے ۔
  • (5) سبھ توں اچا فری سٹینڈنگ ڈھانچہ ۔

=اندرونی تے بیرونی جانکاری[لکھو]

برج خلیفہ دے نال دبئی 21ویں صدی دے کاروبار تے سیر-سپاٹے دا مرکز بن گیا ہے ۔ برج خلیفہ دا نوکدار سخر 95 کلومیٹر دور تکّ سفر کردیاں وی دکھائی دندا ہے ۔ رات ویلے پورے منار اتے ٹمٹماؤندیاں بجلیاں برج خلیفہ دی شان وچ ہور وی وادھا کردیاں ہن ۔ برج خلیفہ دیاں 163 منزلاں ہن ۔ شاید تسیں ایہہ سوچ رہے ہوووگے کہ برج خلیفہ صرف اک منار ہے پر تہانوں ایہہ جان کے بہت حیرانی ہوویگی کہ اس دے اندر ہوٹل وچ 160 کمرے ہن، ریسٹورینٹ، 900 گھر، 37 منزلاں دفتراں دیاں اتے 144 نجی سوئیٹ ہن ۔ بھاویں کوئی ورزش کر رہا ہووے ، بھاویں ہوٹل وچ کھانا کھا رہا ہووے ہر کسے کمرے توں دبئی دا نظارہ ویکھن نوں ملدا ہے ، ایہناں توں علاوہ 11 ہیکٹیئر دا پارک اتے 6 پانی دے فیچر ہن ۔ 3000 زمیندوز گڈیاں دی پارکنگ اتے 4 منزلاں دا فٹنیس کلب وی ہے ۔ ایہناں سبھ سیواواں دا اوہ ہی لطفَ لے سکدے ہن، جو اتھے رہندے ہن جاں جنہاں دی میمبر شپ ہے ۔

برج دا بننا[لکھو]

برج خلیفہ بناؤن دی سوچ توں اس دے بنن تکّ دا سفر بہت لمبا تے چنوتی بھرپور سی ۔ اینی وشال تے مضبوط عمارت نوں کھڑھا کرن لئی جنا زور، ہنر، منکھی شکتی تے سمگری (مٹیریل) دے روپ وچ لگا اس دا اندازہ لگاؤنا اوکھا ہے ۔ ساری دنیا دے کونے-کونے توں ماہراں دی نپنتا، محنت تے ہنر نوں اکٹھا کیتا گیا تاں کہ برج خلیفہ دا سپنا سچ ہو سکیا ۔

=برج اسارن دا فیصلہ[لکھو]

2003 وچ متحدہ عرب امارات دے ڈویلپر امار پراپرٹیز اتے امریکہ دی تعمیراتی کمپنی 'سکڈمور کنگس ایاڈ مریئل' نے آپس وچ ہتھ ملائے ۔ دنیا دی سبھ توں لمبی منار دا ڈزائین تیار کرن اتے اس نوں بناؤن لئی، اتھے دی سرکار دی رضامندی نال فیصلہ لیا گیا تاں کہ دبئی وچ سیلانیاں دی آمد نوں ہور ودھایا جا سکے ۔

=نیہہ تے اساری[لکھو]

چھ مہینے دی زمینی تے تکنیکی پڑتال کرن توں بعد کھدائی دا اتے زمین ہیٹھلے پانی نوں ہٹاؤن دا کم نومبر 2003 وچ شروع کیتا گیا ۔ نیہہ رکھن دا کم جولائی 2004 وچ جرمنی دی کمپنی 'بوئیر سپیزیالئیفلو گومبا' اتے دبئی دی 'مڈل ایسٹ' کمپنی نے کیتا ۔ اس دے ہیٹھاں 50 میٹر ڈونگھیاں پائلاں (تھملے دا سہارا دین والے تھملے) پائیاں گئیاں ہن، پائلاں دے وچ وشیش(خاص) تکنیک ورتی گئی ہے تاں کہ زمین وچلیاں کلورائیڈز تے سلفیٹ توں ایہناں دا بچاء ہو سکے، جس نال عمارت دی عمر 100 سال تکّ ودھ جاندی ہے ۔ ایہناں دے اپر پانی نال چلن والے 'ٹیم ورق سسٹم' فٹّ کیتے گئے ہن ۔ سبھ توں ورنن یوگ(ذکر یوگ ، قابل ذکر) گلّ ایہہ ہے کہ اس دی اک منزل تنّ دناں وچ مکمل کیتی گئی جویں کہ :

  • پہلے دن : کنکریٹ پایا گیا ، پاؤن توں 14 گھنٹے بعد ایہہ سمگری(مٹیریل) سخت ہو جاندی ہے ، اس نال ڈھانچے دی نیہہ تیار کیتی گئی ۔
  • دوسرے دن : سٹیل دے پنجرے کرین نال زمین توں اپر کھڑے کیتے گئے ۔
  • تیسرے دن : ڈھانچے دے شٹر نوں بند کرکے، اس نوں ٹھیک ترتیب مطابق ڈھال کے اس وچ کنکریٹ پایا گیا ،، ایہہ کنکریٹ رات نوں پایا گیا، کیونکہ رات ویلے ہوا ٹھنڈھی ہندی ہے تے نمی وی زیادہ ہندی سی ، ٹھنڈے موسم نال کنکریٹ وچ تریڑاں نہیں آؤندیاں ۔

اینی اچی عمارت بناؤن واسطے انجینیئراں نوں نویں ڈھانچے بناؤن دی تکنیک 'سسٹم بٹریسڈ کور'، جس وچ وائی (Y) آکار بندا ہے، دا سہارا لینا پیا، اس نال عمارت اپنے آپ نوں سپورٹ کردی ہے تے مڑدی نہیں ۔

عمارت بناؤن واسطے تقریباً 45000 کیوبک میٹر کنکریٹ (بھار 110،000 ٹن توں زیادہ) اتے 55،000 کیوبک میٹر سٹیل استعمال ہویا سی، اس کنکریٹ دا بھار 100،000 ہاتھیاں دے برابر ہے ۔

برج دی اساری دا سفر[لکھو]

مارچ 2005 تکّ برج خلیفہ دی عمارت کھڑی ہونی شروع ہو گئی سی ۔ جون 2006 تکّ ایہہ 50 منزلاں تک پہنچ گئی ۔ فروری 2007 تکّ اس نے سبھ توں زیادہ منزلاں والی عمارت دا خطاب حاصل کیتا ۔ 13 مئی، 2007 تکّ برج خلیفہ 130ویں منزل (452 میٹر) تکّ پہنچ گیا ۔ 21 جولائی 2007 نوں 141 منزلاں تکّ پہنچدیاں ہی تائے پئی 101، توں وی اچا ہو کے اس دی عمارت نے دنیا دی سبھ توں اچی عمارت دا خطاب حاصل کر لیا سی ۔ 12 ستمبر، 2007 نوں 527.3 میٹر 'تے پہنچ کے ایہہ منار دنیا دا سبھ توں لمبا فری سٹینڈنگ ڈھانچہ بنیا اتے ٹورانٹو دے سی. این. ٹاور توں وی اچا (150 منزلاں) ہو گیا ۔ 7 اپریل، 2008 نوں 629 میٹر اتے 160ویں منزل 'تے پہنچ کے ایہہ منکھ ولوں بنایا گیا سبھ توں اچا ڈھانچہ بن گیا ۔ 17 جون، 2008 نوں امار پراپرٹیز (emaar) نے ایہہ اعلان کیتا کہ برج خلیفہ دی لمبائی 636 میٹر پہنچ گئی ہے پر آخری منزل دا اعلان 2009 وچ کیتا جاویگا ۔

1 ستمبر، 2008 نوں اس دی لمبائی 688 میٹر تکّ پہنچی ۔ پھر 17 جنوری، 2009 نوں 829.8 میٹر تکّ ۔ 1 اکتوبر، 2009 نوں اس دا باہرلا حصہ پورا ہو گیا ۔ 2010 تکّ اندرلا حصہ وی مکمل ہو گیا اتے 4 جنوری، 2010 نوں برج خلیفہ دی عمارت دا افتتاح متحدہ عرب امارات دے نائب صدر اتے پردھان منتری شیخ محمد بن راشد نے کیتا ۔

افتتاح[لکھو]

جنی زبردست عمارت سی، اس دا افتتاح وی اسے طرحاں زیادہ دھماکیدار ڈھنگ نال کیتا گیا ۔ 10،000 پٹاکے، بجلئی آتشبازی اتے سنگیتمئی دھناں دے نال برج خلیفہ دی شروعات ہوئی تاں پوری دبئی جگمگا اٹھی سی ۔ اس سماگم0تقریب) نوں اک وڈی سکرین 'تے برج پارک آئیسلینڈ وچ اتے ہور بہت ساریاں ٹی. وی. سکریناں 'تے دکھایا گیا، جو کہ دبئی وچ لگائیاں گئیاں سن ۔ سو توں وی زیادہ میڈیا چینلاں نے اس دا سدھا پرسارن کیتا سی ۔

موسم دے اثر توں بچا[لکھو]

ہوا دے 40 سرنگ ٹیسٹ برج خلیفہ تے کیتے گئے سی، تاں کہ ایہہ پتہ لگایا جا سکے کہ زوردار ہواواں دا اثر عمارت اتے اتے اس دے اندر دے لوکاں تے کی ہووے گا ۔

برج خلیفہ دا کلیڈنگ سسٹم اس طرحاں نال ڈزائین کیتا ہے کہ ات دی گرمی وچ وی برج خلیفہ دے باہرلے حصے نوں کوئی فرق نہ پوے .

26000 توں وی ودھیرے شیشے دے پینل ورتے گئے ہن برج خلیفہ دی باہرلی دکھّ وچ . 300 ماہر چین توں بلائے گئے سن، جنہاں نے اس کم نوں انجام دتا سی . ایہہ کچّ تیز تے گرم ہواواں نوں پرورتت نہ مارن والی فلم وی پردان کردا ہے .

برج خلیفہ دی عمارت تے اینا شیشہ لگا ہے کہ جے اس نوں دھرتی تے وچھایا جاوے تاں ایہہ 174،000 مربع میٹر تھاں گھیر سکدا ہے ۔ برج خلیفہ دے باہرلے شیشے نوں صاف کرن دا سسٹم آسٹریلیا دی اک کمپنی نے 8 ملین(80 کروڑ) ڈالر وچ بنایا ہے ۔ شیشے دی صفائی واسطے برج خلیفہ دی 40ویں، 73ویں تے 109ویں منزل دے باہر لمبے رخ ٹریک فٹّ کیتے گئے ہن ۔ ایہناں ٹریکاں وچ 1500 کلو طاقت والی بالٹینما مشین ہے ۔ ایہہ لمبے رخ جاں کھڑے رخ بہت بھاریاں تے موٹیاں کیبلاں دے سہارے گھمدی ہے ۔ برج خلیفہ دی چوٹی دی بہت ہی ماہر لوکاں ولوں رسیاں دے سہارے تیز ہواواں دا ساہمنا کرکے صفائی کیتی جاندی ہے ۔

برج خلیفہ پارک[لکھو]

برج خلیفہ دے آلے-دوآلے 27 ایکڑ پارک ہے، جس دا ڈزائین اک ریگستان دے پھلّ hymenocallis وانگ بنیا ہے ۔ پارک وچ چھ پانی دے فوارے، پھلاں والے درخت ہن ۔ ترن والے رستے دے آلے-دوآلے کھجور دے درخت لگے ہن ۔ پارک دے وچکار اتے برج خلیفہ دی نیہہ تے پانی والا کمرہ ہے، جس وچ تلاب تے پانی دے فوارے ہن ۔

عمارت چ پانی دا نظام[لکھو]

سارے بوٹےآں نوں پانی برج خلیفہ دے 'کونڈینئیشن کولیکشن' سسٹم راہیں دتا جاندا ہے، جہڑا کہ 'کولنگ سسٹم' وچوں پانی لیندا ہے ۔ ایہہ سسٹم 68،000،000 لیٹر پانی پورے سال وچ مہیا کرواؤندا ہے ۔ پر برج خلیفہ دے اندر جان لئی ایہہ رستہ صرف ہوٹل، دفتر تے برج خلیفہ دیاں سہولتاں ورتن والیاں لئی ہی کھلھا ہے ۔ عامَ سیلانی اس پارک دا نظارہ نہیں لے سکدے ۔

اینی اچی عمارت وچ پانی چڑھاؤن دا وی حیرانی جنک انتظام کیتا گیا ہے ۔ روز دا 946،000 لیٹر پانی 100 کلومیٹر پائیپاں دی سہائتا(مدد) نال اپر تکّ جاندا ہے ۔ 213 کلومیٹر پائیپاں اگّ بجھاؤن لئی وکھریاں ہن ۔ گندے پانی نوں زمین ہیٹھلیاں ڈریناں راہیں دبئی میٹروپولٹن دے سیوریج سسٹم وچ چھڈّ دتا جاندا ہے ۔ چھوٹی توں چھوٹی گلّ وچ قدرتی ماحول بچاؤن دا بہت دھیان رکھیا گیا ہے ۔ پورے برج خلیفہ دے ایئر کنڈیشن سسٹم وچوں سنگھنا پانی اکٹھا کرکے اک ہولنگ ٹینک وچ اکٹھا کیتا جاندا ہے ۔ ایہہ ٹینک بھوئیں ہیٹھ گڈیاں دی پارکنگ وچ واقع ہے، پھر ایہہ پانی برج خلیفہ دے پارک دی سنچائی پرنالی(آبپاشی سسٹم) وچ ورتیا جاندا ہے ۔ اس طرحاں ہر جگہ پانی، بجلی وغیرہ دی بچت کیتی گئی ہے ۔

برج خلیفہ چ[لکھو]

  • 1000 توں زیادہ کلا(فن) دے نمونے برج خلیفہ دے اندر دی شان ودھاؤندے ہن ۔ برج خلیفہ وچ جورجیا ارمانی دا ہوٹل ہے ، (38ویں، 39ویں منزل تے)
  • 900 رہائشی گھر ہن، جنہاں وچ اک، دو، تنّ، چار بیڈروم والے گھر ہن ، سارے گھر 19ویں توں 108ویں منزل تے واقع ہن ۔
  • 43ویں، 73ویں، 123ویں منزل تے بلیری سوئمنگ پول، جِم، لائبریری، پارٹیاں لئی ہال سنلدح موجود ہن ۔
  • 124ویں منزل 'تے نگرانی والا ڈیکّ ہے، جس اتے ٹکٹ خرچ کے جایا جا سکدا ہے اتے اس اچائی توں دبئی دا شاندار نظارہ ویکھن نوں ملدا ہے، دبئی دیاں اتھوں نظر آؤندیاں وڈیاں-وڈیاں عمارتاں برج خلیفہ دے اپر کھڑے ہو کے چھوٹے-چھوٹے ڈبیاں ورگیاں جاپدیاں ہن ۔ اتھے بہت ہی وڈی اتے دور تکّ دیکھن دی سمرتھا رکھن والی دوربین لگی ہے، جس وچوں لوکاں نوں دبئی دیاں عمارتاں نوں اصلی روپ وچ ویکھن دا موقع ملدا ہے ۔

ایٹموسفیئر ریسٹورینٹ[لکھو]

122ویں منزل 'تے ایٹموسفیئر ریسٹورینٹ ہے ۔ ایہہ دنیا دا سبھ توں اچا ریسٹورینٹ ہے، جو کہ شہر توں 442 میٹر دی اچائی تے ہے ۔ جدوں اینی اچی جگہ تے کھانا کھاندیاں شیشیاں راہیں باہر دا نظارہ ویکھیدا ہے تاں دبئی شہر دیاں ساریاں چیزاں چھوٹیاں-چھوٹیاں کیڑیاں ورگیاں جاپدیاں ہن ۔ من وچ اک ہی خیال آؤندا ہے کہ جنی ودھیا اتھوں دی سروس تے کھانے دا سواد ہے، اوہ شاید ہی دنیا وچ ہور کتے ہووے گا ۔

دفتر[لکھو]

تنّ منزلاں نوں اکٹھا کرکے دفتر بنائے گئے ہن ۔ اتھے وڈیاں-وڈیاں کمپنیاں دے دفتر ہن ۔ بھاویں برج خلیفہ دے وچ گھر ہووے جاں دفتر جاں پھر اڈیک گھر ہر جگہ 'تے اتھوں تکّ کہ ہائی سپیڈ لفٹ وچ وی اچّ تکنیکی ٹیلیفون تے انٹرنیٹ دیاں سہولتاں ہن ۔

حفاظتی نظام[لکھو]

برج خلیفہ وچ بہت وڈے پدھر دی سرکھیا پرنالی(حفاظتی نظام) ہے تے بہت زیادہ ماہراں دی سرکھیا ٹیم ہے، جو اس دی اندروں تے باہروں چنگی طرحاں رکھیا کردے ہن ۔

کاروپریٹ کلب، اپنی قسم دا پہلا بزنیس لاؤج ہے، جو کہ اس دے میمبراں لئی بہت ساریاں سہولتاں نال بھرپور ہے ۔

برج خلیفہ دا نیہہ توں لے کے بنن تکّ دا سفر (اس لئی ورتی گئی سمگری(مٹیریل)، منار بناؤن دے طریقے توں لے کے اندرلی سجاوٹ تکّ) اینا شاندار سی کہ برج خلیفہ نوں مان-سنمان ملنا جائز ہی سی ۔ برج خلیفہ نوں اپنی شاندار اندرونی سجاوٹ لئی 'انٹیریئر آرکیٹیکچر ایوارڈ'، ولکھن عمارت سازی لئی 'ڈسٹنگئشڈ بلڈنگ ایوارڈ'، بے مثال ڈزائین لئی 'ڈزائین ایکسیلینس ایوارڈ'، انجینیئرنگ کوشل لئی 'ایکسیلینس ان انجینیئرنگ ایوارڈ' اتے 'سپیشل ریکوگنائیزیشن فار ٹیکنالوجیکل ایڈوانسمینٹ ایوارڈ' وغیرہ سمیت بہت سارے انعام ملے ہن، جنہاں دی لمبی سوچی دا ذکر کرنا سنبھوَ نہیں ہے ۔ کوئی دبئی وچ جنے دن مرضی گھمے برج خلیفہ دی اچی عمارت دے درشن ہندے ہی رہندے ہن ۔ برج خلیفہ دیاں یاداں نوں اپنے من وچ وسا کے دبئی دی دھرتی نوں ہر کوئی سلام کرکے الوداع کہندا ہے ۔

ہور ویکھو[لکھو]

بارلے جوڑ[لکھو]

اتہ پتہ[لکھو]

  1. "Official Opening of Iconic Burj Dubai Announced". Gulfnews. 4 November 2009. Retrieved 4 November 2009.
  2. "Burj Khalifa - The Skyscraper Center". Council on Tall Buildings and Urban Habitat.
  3. Stanglin, Douglas (2 January 2010). "Dubai opens world's tallest building". Dubai: USA Today. Retrieved 4 January 2010.