بی این شرما

بی این شرما
جم	23 اگست 1965 (59 سال)  دہلی
وفات
شہریت	بھارت
عملی زندگی
پیشہ	اداکار
	IMDB اُتے صفحات

بی این شرما (بدری ناتھ شرما) چڑھدے پنجاب دے پنجابی فِلمی اداکار نیں ۔ اوہناں نے اپݨے کیریئر دا آغاز اک پنجابی سوپ جیب کترے (جلندھر دوردرشن توں) تے مخولیا سیریئل فلاپ شو ناࢦ کیتا ۔ اوہ جٹ اینڈ جولیئٹ تے کیری اون جٹا ورگیاں فلماں وچ اپݨے کردار دی وجہ نال مشہور نیں ۔

نِجی جیون

بی این شرما پنجابی فلمی صنعت وچ اک اداکار نیں ۔ اوہ گجرانوالا (لہندا پنجاب) ناࢦ تعلق رکھݨ آࢦے اک خاندان وچ دہلی وچ دہلی وچ جمے پلے ۔ اوہناں دے والدین چاوہندے سی کہ بی اوہ (بی این شرما) انجنیئرنگ وچ کیریئر بݨوݨ پَر اوہ 1972 وچ چندی گڑھ چلے گئے تے اوہناں نے تھیٹر توں بعد اداکاری وچ کیریئر دے حصول دے دوران پنجاب پولیس وچ خدمات سَر انجام دِتیاں ۔ بطور کانسٹیبل اپݨی خدمات دے دوران اوہناں نے 40-45 فلماں مکمل کیتیاں ۔

کیریئر

اوہناں نے 1985 وچ جلندھر دوردرشن دے پنجابی سوپ جیب کترے وچ منفی کردار نال اپنے اداکاری کیریئر دا آغاز کیتا ۔ اوہناں دی پہلی فلم وساکھی (1987) سی ، جیہڑی ہٹ ہوئی سی ۔ اوہناں نے 1989 وچ ہٹ سیریز فلاپ شو وچ بار بار چلݨ آلے تے مختلف کردار دے طور تے کَم کیتا ۔ بعد وچ اوہناں نے جسپال بھٹی ناࢦ اُلٹا پُلٹا تے فُل ٹینشن ورگے ہور منصوبےآں وچ وی تعاون کیتا ۔ اوہناں نے اینٹی کرپشن ، مخولیا فلم ماحول ٹھیک ہے (1999) وچ چھوٹا جیا کردار نبھایا ، اس توں بعد 70 توں زیادہ پنجابی فلماں وچ اہم کردار ادا کیتا ۔ اوہناں دیاں حالیہ کامیاب فلماں وچ جٹ اینڈ جولیئٹ ، جٹ اینڈ جولیٹ 2 تے کیری اون جٹا شامل نیں ۔ بی این شرما نے پی ٹی سی پنجابی فلم ایوارڈز وچ بہترین مخولیا اداکار دا اعزاز حاصل کیتا ۔

بی این شرما
B. N. Sharma
اصل ناں :	بدری ناتھ شرما
جنمستھان :	بھرتھ گڑھ، ضلع روپ نگر، چڑھدا پنجاب
جمݨ تریخ :	23 اگست 1956
پیشا :	فِلمی اداکار
قوم :	پنجابی

چُݨی فِلموگرافی

سال	عنوان	کردار	ڈائریکٹر	نوٹس	بولی
1971	بدنام فرِشتے		قمر ناروی	چائلڈ سٹار	ہندی
1979	سُرکھشا		روی کانت نگیچ	بیک گراونڈ ساونڈ ایڈیٹر	ہندی
1985	راج نیتی		ٹھاکر تپسوی		ہندی
1990	رانی کوکیلان	رسالو	للت بہل	ٹی وی فِلم	پنجابی
1990	جَٹ پنجاب دا	کیدو چاچا	یوگراج سنگھ		پنجابی
1999	ماحول ٹھیک ہے		جسپال بھٹی		پنجابی
2001	غدر اک پریم کتھا	پاکستان ایمبیسی وچ افسر	انیل شرما		ہندی
2012	جٹ اینڈ جولیئٹ	گنوشن سنگھ چاولا	انوراگ سنگھ		پنجابی
2012	کیری اون جٹا	اِنسپیکٹر سکندر سنگھ ٹواݨا	سمیپ کنگ		پنجابی
2013	جٹ اینڈ جولیئٹ 2	گنوشن سنگھ چاولا	انوراگ سنگھ		پنجابی
2013	عاشقی ناٹ الاؤڈ	بِلو بکرا	رکیش دھاوان		پنجابی
2014	عِشق برانڈی	کِنگ ڈون	امیت پراشیر		پنجابی
2014	پعھاجی اِن پروبلم	بہاولپوریا جیولر	سمیپ کنگ		پنجابی
2016	ارداس	صوبے دار صاحب	گپی گریوال		پنجابی
2016	ڡساکھی لِسٹ	سَب اِنسپیکٹر بہادر سنگھ	سمیپ کنگ		پنجابی
2017	منجے بسترے	سریلا	بلجیت سنگھ دیو		پنجابی
2018	گولک بگنی بینک تے بٹوا	انیجا حلوائی	کشیتیج چودھری		پنجابی
2018	ریڈوا		نڡ باجڡا		پنجابی
2018	کیری اون جٹا 2	بِلو بنسال	سمیپ کنگ		پنجابی
2018	مرگئے اوئے لوکو	ڈاکٹر	سِمرجیت سنگھ		پنجابی
2019	اوداں اِداں	جگتار سنگھ	کشیتیج چودھری		پنجابی
2019	رب دا ریڈیو 2	مستری ماما	شرن آرٹ		پنجابی