جیمز ویب خلائی ٹیلیسکوپ

وکیپیڈیا توں
جاؤ: پاندھ, کھوج
جیمز ویب خلائی ٹیلیسکوپ

جیمز ویب خلائی ٹیلیسکوپ ناسا دی اک وڈی ٹیلیسکوپ اے جیڑی اکتوبر 2018 وچ خلا پیجی جاۓ گی۔ جیمز ویب ٹیلیسکوپ لمی موج لمبائی دی نظر آن آلے چانن تے انفراریڈ وچ سب توں بہترین فوٹو وکھا سکے گی۔ ایہ ٹیلیسکوپ ہبل خلائی ٹیلیسکوپ تے سپٹزر خلائی ٹیلیسکوپ دا کم کرے گی۔ ہبل دا شیشہ 2۔4 میٹر وڈا اے تے جیمز ویب دا شیشہ اس توں وڈا 6۔5 میٹر دا اے۔ اینوں زمین دے پرلے پاسے مدار وچ رکھیا جاۓ گا تا کہ اینوں سورج دے تیز چانن تے تابکاری توں بچایا جاۓ۔ مدار دی اس تھاں نوں لیگرینجین 2 کیندے نیں۔ ٹھیک ویکھن لئی ایدا گرمی ناپ کٹ رکھنا ضروری اے جس لئی اک وڈی سورج روک ایدے اتے لائی گئی اے جس نال ایدا گرمی ناپ -220 ڈگری سینٹی گریڈ تک رۓ گا۔

ایدی چنگی ٹیکنالوجی تارہ پڑھت وچ نویں جانکاری لیاۓ گی۔ اس دا اک مقصد کائنات وچ سب توں دور دیاں شیواں ویکھنا اے جیناں نوں ہبل تے زمین دے اتے لگیاں ٹیلیسکوپاں نئیں ویکھ سکدیاں۔ ایناں وچ کائنات دے پہلے تارے، کائات دی سب توں پہلی مورت تے کائنات دے سب توں پہلے تارہ سمندر دا بننا شامل اے۔ ایدا اک ہور مقصد تاریاں تے پاندھیاں دے بنن بارے جانکاری لبنا اے۔ اس لئی ایہ مالیکیول بدل، تارہ بنان آلے کلسٹر، تاریاں گرد ملبہ تے دوجے تارہ پربندھ دے پاندھیاں نوں ویکھے گی۔

ایدے اتے 17 دیس ناسا، یورپی خلائی ایجنسی تے کینیڈا خلائی ایجنسی نال رل کے 1996 توں کم کر رۓ نیں۔ ایدا ناں ناسا دے دوجے سردار جیمز ویب دے اتے رکھیا گیا اے جیدے تھلے امریکہ چن اتے گیا سی۔