جیون پڑھت

Wikipedia توں
جاو: مدد, کھوج

جیون پڑھت (حیاتیات، بائولوجی ) جیون تے جانداراں نوں پڑھن دی سائنس اے۔ اے جانداراں دے وکھالے، کم کرن دی صلاحیت، ودن ول، مڈھ، ارتقاؑ، پھیلاؤ تے درجہ بندی دی سائنسی معلومات بارے چ دسدی اے۔ اے سانوں مختلف جانداراں دے کم، خصوصیات تے اوکنج وجود وچ آۓ، دے بارے دسدی اے۔

جیون پڑھت سائنس دی بہت وڈی شاخ اے، جیدے وچ بہت سارے عنواناں ، مضموناں تے نکیاں شاخاں بارے پڑھیا جاندا اے۔

جیون پڑھت دی دے بنیادی اصول تھلے دتے گئے نے:

1- ولگن ۔زندگی دی اکائی اے

2- نوی نسلاں تے وراثت وچ پائی جان آلی خاصیتاں، ارتقاؑ دا نتیجہ نے

3-جین وراثت دی اکائی اے

4-ساراے جاندار اپنے جسماں دے اندر دا اک مستقل ماحول قائم رکھدے نے

5-زندہ جاندار توانائی نو استعمال تے منتقل کردے نے

جیون پڑھت دی نکیاں شاخاں دی بنیاد اوناں نو پڑھن آلے درجے تے ول تے رکھی جاندی اے: جیویں بائیوکیمسٹری وچ جیون دی کیمسٹری بارے پڑھیا جاندا اے; مالیکیولر بائیولوجی وچ جیون دی مالیکیولاں دا آپس دا تعلق پڑھیا جاندا اے؛ سیل بایئولوجی وچ جیون دی اکائی پڑھی جاندی اے؛ فزیالوجی وچ بافتاں، اعضاء تے عضوی نظام پڑھے جاندے نے؛ ایکالوجی وچ جاندار دا ماحول نال تعلق پڑھیا جاندا اے۔

ایہدی تین وڈیاں ونڈاں نے۔

زولوجی: جنوراں دی پڑھت

باٹنی: بوٹیاں دی پڑھت

مائکروبیالوجی: نکے جانداراں دی پڑھت جیہڑے ننگی اکھ نال نئی دسدے، جیویں وائرس ،بیکٹیریا تے فنجائی وغیرہ

توانائی تے انسانی جیون دا بنیادی جائزہ

ناں[لکھو]

ایپیتھیلیل ولگن

جیون پڑھت شبد بائولوجی توں ترجمہ کیتا گیا جیہڑا یونانی زبان دے دو شبداں توں مل کے بنیا اے، بائو دا مطلب اے زندگی تے لوجی دا مطلب اے سوچ۔ بائولوجی وچ جانداراں دے بارے وچ گل بات ہوندی اے۔

تریخ[لکھو]

جیون پڑھت دی تریخ دا جوڑ یونان، چین، ہند، مصر، تے عرب دی تہذیباں نال بجھدا اے۔ جیون پڑھت دی ترقی وچ سب تون اہم کردار ارسطو نے ادا کیتا۔

جانداراں دی نسلی تاریخ دا درخت

اج کل دی جیون پڑھت دی بنیاداں[لکھو]

  • سیل تھیوری:
  • ارتقاؑ
  • جینیٹکس
  • ہومیو سٹیسس
  • توانائی

کھوج[لکھو]

جیون پڑھت دی کج ونڈاں تحقیق وچ کافی اگے نے جنان وچ مالیکیولر بیالوجی، سیل بیالوجی، جینیٹکس، اناٹمی، ڈیویلپمنٹل بیالوجی، فزیالوجی، ارتقاؑ، سسٹمیٹکس، ایکالوجی تے بائوجغرافیہ شامل نے۔

شاخاں[لکھو]

بائولوجی دی ہور وی وڈیاں ونڈاں نے۔

  • ایروبیالوجی: ہوا وچ پائے جان آلے نامیاتی ذرات دی پڑھت
  • زراعت: زمین توں فصلاں پیدا کرن دے ولاں دی پڑھت
  • اناٹمی: بوٹے ، جنور تے دوجے جانداراں دی مورت تے وکھالے دی پڑھت
  • اریکنولوجی: اریکنیڈاں دی پڑھت
  • ایسٹروبیالوجی: کائنات وچ جیون دے ارتقاؑ،پھیلاؤ تے مستقبل دی پڑھت، انو ایگزو بیالوجی وی کہندے نے۔
  • بائوکیمسٹری:سیل دی سطح تے ہون آلے کیمیائی تعاملات، جیہڑے جیون دے وجود لئی ضروری ہوون تے سیل وچ پائے جان آلے کیمیائی مرکبات دی پڑھت
  • بائوانجینئرنگ: انجینئرنگ دی مدد توں جیون پڑھت دی پڑھت جیدے وچ بائیو ٹیکنالوجی دے اتے زور دتا جائے۔
  • بائوجغرافیہ: دنیا وچ نسلاں دے پھیلاؤ دی پڑھت
  • بائوانفارمیٹکس: جینیاتی تے جیون پڑھت دی معلومات نو اکھٹا کرن لئی انفارمیشن ٹیکنالوجی دے استعمال دی پڑھت
  • بائومیتھمیٹکس: حیاتی طریقیاں دی ریاضیاتی پڑھت
  • بائومکینکس: طب دی اک شاخ،جانداراں دی میکانیات دی پڑھت
  • بائو میڈیکل ریسرچ: انسانی صحت تے بیماری دی پڑھت
  • بائوفزکس: فزکس دے استعمال نال حیاتی طریقیاں دی پڑھت
  • بائوٹیکنالوجی :زندہ مادے خاص طور تے جینیاتی تبدیلیاں دی پڑھت
  • باٹنی: بوٹیاں دی پڑھت
  • سیل ‎بائولوجی: ولگن، ولگن دے مالیکیولاں تے ولگن وچ ہون آلے کیمیائی تعاملات دی پڑھت
  • کنزرویشن بیالوجی: قدرتی جنوراں، بوٹیاں، تے قدرتی ماحولاں دی حفاظت تے بچاؤ دی پڑھت
  • ایکالوجی: جانداراں دے آپس دے تعلق تے جانداراں دے ماحول دے نا جاندار عنصراں نال تعلق دی پڑھت
  • ایمبریالوجی: ایمبریو دے ودنے دی پڑھت
  • اینٹامالوجی: کیڑیاں دی پڑھت
  • اینوائرانمینٹل بیالوجی: قدرتتی دنیا تے ایس تے انسانی سرگرمیاں دے اثر دی پڑھت
  • ایپیڈمیالوجی: آبادی دی صحت تے کھوج تے آبادی دی صحت تے اثر انداز ہون آلے عوامل دی پڑھت
  • ہسٹالوجی: ولگناں تے بافتاں دی مائکروسکوپ دی مدد نال کرن آلی پڑھت
  • ٹیکسانومی: جانداراں دی درجہ بندی کرن آلی پڑھت
  • جینیٹیکس: جیناں تے وراثت دی پڑھت
  • پیلینٹالوجی:فاسلاں دی پڑھت
  • زولوجی:جنوراں دی درجہ بندی،فزیالوجی، نمو تے برتاؤ دی پڑھت
  • مائکالوجی: فنجائی دی پڑھت
  • وائرالوجی:وائرس تے واےرس جئے عوامل دی پڑھت

ہور ویکھو[لکھو]

بارلے جوڑ[لکھو]


سائنس دے انگ