حمزہ شہباز

حمزہ شہباز
(انگریزی وچ: Hamza Shahbaz)
جم	6 ستمبر 1974 (50 سال)  لہور
وفات
شہریت	پاکستان
جماعت	مسلم لیگ ن
والد	شہباز شریف
عملی زندگی
مادر علمی	گورنمنٹ کالج لہور
پیشہ	سیاست دان
مادری زبان	پنجابی
پیشہ ورانہ زبان	پنجابی

حمزہ شہباز، اک پاکستانی سیاست دان نیں، اوہ سابق رکن صوبائی اسمبلی پنجاب، سابق رکن قومی اسمبلی پاکستان تے سابق وزیر اعلا پنجاب اے۔

جم

6 ستمبر 1974ء نو‏‏ں شہباز شریف دے گھر لہور وچ جمیا۔

تعلیم

گورنمنٹ کالج یونیورسٹی لہور تو‏ں گریجوئیشن کیتی، لندن سکول آف اکنامکس تو‏ں ایل ایل بی کيتا۔

نِجی جیون

اوہدا تعلق لہور دے اک صنعت کار تے سیاسی خاندان نال اے، اوہدا تایا نواز شریف سابق وزیر اعلا پنجاب، سابق وزیراعظم پاکستان تے والد شہباز شریف سابق وزیر اعلا پنجاب، سابق وزیر اعظم پاکستان اے، اوہ آپ وی کچھ مہینےآں لئی وزیر اعلا پنجاب رہ چُکیا اے۔

حمزہ شہباز اپݨے پیو شہباز شریف ونگوں کثیرالازدواج اے۔ اوہدی اک دھی اے جو 7 فروری 2019ء نو‏‏ں پیدا ہوئی۔

عملی زندگی

حصول تعلیم توں بعد بزنس تے سیاست ناݪ وابستا ہوئے۔ سپورٹس بورڈ پنجاب دے چئیرمین وی تعینات رہ‏ے۔

پرویز مشرف دے دور تو‏ں اوہنو‏ں قید و بند تے یرغمال بناؤݨ دے عوامل نے اوہد‏‏ی خوب سیاسی تربیت کیتی۔ آمریت دے دور وچ جد شریف خاندان نو‏‏ں جلاوطن کر دتا گیا تاں پرویزمشرف نے حمزہ شہباز نو‏‏ں بطور شریف خاندان دے یرغمالی ضمانت، پاکستان وچ ای ڈَک لیا۔

2008ء تے 2013ء دے انتخابات وچ رکن قومی اسمبلی منتخب ہویا، 2018ء دے انتخابات وچ رکن قومی اسمبلی تے رکن پنجاب اسمبلی منتخب ہویا۔ مگر قومی اسمبلی د‏‏ی رکنیت چھڈ ک‏‏ے صوبائی اسمبلی اُتے براجمان رہیا تے قائد حزب اختلاف (پنجاب اسمبلی) تے چند مہینے آں لئی وزیر اعلا پنجاب مقرر ہویا۔

وزیر اعلیٰ پنجاب

حمزہ شہباز 30 اپریل 2022ء نو‏‏ں وزیر اعلیٰ پنجاب بݨیا، جدو‏ں عثمان بزدار دے استعفے توں بعد اپوزیشن جماعتاں ولو‏ں حمزہ نو‏‏ں وزیر اعلیٰ پنجاب دا امیدوار نامزد کيتا گیا سی۔ اوہنے 30 اپریل 2022ء نو‏‏ں بطور وزیر اعلیٰ حلف چُکیا۔ اوہدے کوݪ تن سیاسی جماعتاں تے 4 آزاد امیدواراں اُتے مشتمل حکمران اتحاد وچ 11 نشستاں د‏‏ی اکثریت سی پ‏ر سپریم کورٹ آف پاکستان دے دِتے گئے احکامات د‏‏ی روشنی وچ حمزہ شہباز نو‏‏ں کدی وی وزیر اعلیٰ نہ ہوݨ تے اوہدے انتخاب نو‏‏ں کالعدم قرار دݨ دے ناݪ اوہدے دے دور حکومت وچ دتے گئے تمام احکامات نو‏‏ں کالعدم قرار دے دتا گیا سی۔ وزیراعلا دے انتخاب لئی صوبائی اسمبلی دے انتخابات وچ ووٹاں د‏‏ی اکثریت حاصل کرن تے سپریم کورٹ دے فیصلے د‏‏ی وجہ تو‏ں اوہنوں وزارت اعلا توں ہٹݨا پیا تے چوہدری پرویز الٰہی نوں باضابطہ طور تے وزیر اعلا پنجاب قرار دے دتا گیا۔

حوالے