دائی انگہ مسجد

وکیپیڈیا توں
Jump to navigation Jump to search

دائی انگہ مسیت (مسجد) پاکستان، پنجاب دے شہر لہور دے ریلوے سٹیشن دے نیڑے اک مسیت دا ناں اے۔ اے اک تریخی مسیت اے جیڑی لہور دے ریلوے سٹیشن توں ادھے میل توں وی نیڑے نو لکھا دے علاقے چ اے۔ اے منیا جاندا اے کہ دائ یانگہ نے اے مسیت 1635عیسوی(1045ہجری)چ اپنے حج تے جان توں پہلاں تعمیر کرائی سی۔ جد کہ ایس مسیت دے اتے لکھی گئ تریخ 1949عیسوی(1060ہجری) اے۔

زیب النساء مشہور ناں دائی انگہ، مغل بادشاہ شاہجہان دی نرس(دائی) سی ایس کر کے اینوں شاہی خنوادے چ بڑی عزت دی نگاہ توں ویکھیا جاندا سی۔ ایدا خاندان مغل سلطنت دے نال خاص نسبت رکھدا سی۔ ایس دا خاوند مراد خان مغل بادشاہ دا مجسٹریٹ سی تے ایدا پُتر راشد خان پورے مغل سلطنت چ سب توں چنگا تیر انداز سی۔ راشد خان نے مغل بادشاہ دے وڈے پُتر داراشکوہ دی راکھی کردیاں اپنی جان دے دتی سی۔ دائی انگہ دا مزار گلابی باغ دے ناں توں وی مشہور اے۔