سلاد
 اک گارڈن سلاد تھال بریڈ تے ڈریسنگ دے نال پیش کیتا جاندا ہے، جیہدے وچ لیٹس، چقندر، کھیرا، اسکیلینز، چیری، ٹماٹر، زیتون، خُشک ٹماٹر تے فیٹا پنیرشامل ہُندا ہے۔ | |
| بنیادی اجزاء | سبزیاں، پھل، آنڈیاں دے ٹُکڑے یا اک اناج رلی چٹݨی۔ |
|---|---|
| تغیرات | Many |
 Cookbook: سلاد  Media: سلاد | |
سلاد (انگریزی: Salad )، اک ایہجئی ڈش ہے جیہدے وچ مخلوط اجزاء ہُندے نیں، اکثر سبزیاں۔ ایہناں نوں عام طور تے ٹھنڈا یا کمرے دے درجہ حرارت اُتے پیش کیتا جاندا ہے، حالانکہ کُجھ نوں نِگھا وی پیش کیتا جا سکدا ہے۔ مصالحہ جات تے سلاد ڈریسنگ، جو کہ مختلف ذائقیاں وچ موجود نیں، اکثر سلاد نوں ودھاؤݨ لئی استعمال ہُندے نیں۔
گارڈن سلاد وچ پتیاں والیاں سبزیاں جِداں لیٹس، ارگولا، کیل یا پالک دا استعمال ہُندا ہے۔ ایہہ کافی عام نیں۔ کلّے سلاد دا لفظ اکثر خاص طور تے باغیچے دے سلاد لئی ہُندا ہے۔ ہور قِسماں وچ بین سلاد، ٹونا سلاد، بریڈ سلاد (جِداں فتوش سلاد، پانزینیلا)، سبزیاں دے سلاد بغیر پتےآں والیاں سبزیاں (جِداں یونانی سلاد، آلو دا سلاد، کولسلا)، چَول، پاستا تے نوڈل اُتے مبنی سلاد، پھلاں دے سلاد تے مِٹھے شامل نیں۔
کھاݨے دے دوران کِسے وی وقت سلاد پیش کیتا جا سکدا ہے:
- پیش غذا سلاد : ہلکے، چھوٹے حِصے دے سلاد، کھاݨے دے پہلے کورس دے طور تے۔
- سائیڈ ڈِش سلاد : اک سائیڈ ڈِش دے طور تے مرکزی کھاݨے دے نال، مثالاں وچ آلو دا سلاد تے کولیسلا شامل نیں۔
- مرکزی کھاݨا سلاد : عام طور تے اک یا زیادہ پروٹین والیاں غذاواں دا اک حِصہ ہے، جِداں آنڈے، داݪاں یا پنیر۔
- مٹھے دے طور تے سلاد : مٹھے سلاد پھݪاں اُتے مُشتمل ہُندے نیں، جیلیٹن، سویٹنر یا وِپڈ کریم۔
سلاد دیاں قِسماں
[سودھو]سلاد، اک مرکب سلاد (خاص طور پر سرونگ ڈش اُپر ترتیب دِتے گئے اجزاء دے نال) یا کھلاریا ہویا سلاد (جیہدے وچ اجزاء نوں پیالے وچ رکھیا جاندا ہے تے ملایا جاندا ہے، اکثر سلاد ڈریسنگ دے نال) ہوسکدا اے۔ اک اینٹی پیسٹو پلیٹ، رسمی اطالوی کھاݨے دی ابتدائی ڈش، کمپوزڈ سلاد دی طرحاں اے تے ایہدے وچ سبزیاں، پنیر تے گوشت ہُندا ہے۔
ہرا سلاد
[سودھو]
ہرا سلاد یا باغ سلاد وچ اکثر پتے دار سبزیاں، جِداں لیٹس، ارگولا، کیل یا پالک دا استعمال ہُندا ہے۔ ایہنوں سبزی سلاد وی کہیا جا سکدا ہے۔ سلاد وچ استعمال ہوݨ والیاں عام کچیاں سبزیاں وچ کھیرے، تراں، کالی مرچ، ٹماٹر، پیاز، گاجر، اجوائن، مولی، مشروم، ایووکیڈو، زیتون، آرٹچوک ہارٹ، پام ہارٹ، واٹر کریس، اجمودا، لال چقندر تے ہرا لوبیا شامل نیں۔ گری دار میوے، دالاں، پُھل کم عام اجزاء نیں۔ سخت اُبلے ہوئے آنڈے، بیکن، کیکڑے تے پنیر نوں گارنش دے طور تے استعمال کیتا جا سکدا ہے، لیکن رات دے کھاݨے دے سلاد وچ جانوراں اُتے مبݨی کھاݨے دی وڈی مقدار دا امکان ودھ ہُندا ہے۔
ویج سلاد
[سودھو]ویج سلاد اک سبز سلاد ہے جو لیٹس دے سر (اکثر آئس برگ) توں بݨایا جاندا ہے، ادھا یا چوتھائی، اُپر دیگر اجزاء دے نال۔
باؤنڈ سلاد
[سودھو]
باؤنڈ سلاد گاڑھیاں چٹݨیاں جِداں کہ مائیونیز تیار کیتے جاندے نیں۔ باؤنڈ سلاد دا اک حصہ اپݨی شکل نوں برقرار رکھدا ہے جدوں اسکوپ دے نال پلیٹ وچ رکھیا جاندا ہے۔ باؤنڈ سلاد دیاں مثالاں وچ ٹونا سلاد، چکن سلاد، آنڈے دا سلاد، کولسلا تے آلو دا سلاد شامل نیں۔ کچھ باؤنڈ سلاد سینڈوچ فِلِنگ دے طور تے استعمال ہُندے نیں۔ کچھ پاستا سلاد، جِداں میکرونی سلاد، باؤنڈ سلاد نیں۔ ایہہ پِکنِک تے باربی کیو وچ مقبول نیں۔
ڈِنر سلاد
[سودھو]
ڈنر سلاد یا مین کورس سلاد[۱] (جو ڈِنر سلاد دے طور تے جاݨیا جاندا ہے سیزر سلاد، شیف سلاد، کوب سلاد، چینی چکن سلاد، مشی گن سلاد تے پِٹسبرگ سلاد رات دے کھاݨے دے سلاد نیں۔
ڈِنر سلاد وچ مختلف قِسم دے پنیر استعمال کیتے جاندے نیں، بشمول روکفورٹ بلیو پنیر (کوب سلاد لئی روایتی) تے سوئس، چیڈر، جیک تے پروولون (شیف تے کوب سلاد لئی)
پھݪ سلاد
[سودھو]
پھݪاں سلاد، پھݪاں توں بݨدے نیں (پکائے انداز وچ) جو کہ تازے یا ڈبے وچ بند ہو سکدے نیں۔ مثالاں وچ فروٹ کاک ٹیل شامل نیں۔[۱]
مِٹھا سلاد
[سودھو]
مِٹھے سلاد وچ شاذ و نادر ہی پتے دار سبزیاں شامل ہُندیاں نیں تے اکثر مِٹھیاں ہُندیاں نیں۔ عام قِسماں جلیٹن یا وہپڈ کریم دے نال بݨائیاں جاندیاں نیں۔ جِداں جیلو سلاد، واٹر گیٹ سلاد تے امبروژا۔ مِٹھے سلاد دیاں ہور شکلاں وچ علاقائی پکوان شامل نیں جِداں کہ مڈ ویسٹرن امریکا دے امبروژا نما گلوریفائیڈ چول تے کوکی سلاد، جیہدے وچ اک جزو دے طور تے ٹُٹی ہوئی کوکیز شامل نیں۔