ماسٹر طفیل

آزاد انسائیکلوپیڈیا، وکیپیڈیا توں
(لیایا گیا طفیل نیازی)
Jump to navigation Jump to search
ماسٹر طفیل
جنمستھان : منڈیراں، ضلع جلندھر، پنجاب
جمݨ ورھا : 1916
مرن دیہاڑ : 21 ستمبر 1990
قومیئت : پنجابی
کم : لوک گلوکاری
مشہور گیت : ساڈا چِڑیاں دا چمبا
اعزاز : تمغا حسن کارکردگی 1989

ماسٹر طفیل ، طفیل نیازی (جم: 1926 - وفات: 21 ستمبر، 1990) پنجاب پاکستان دے اک مشہور لوک گلوکار تے موسیقار سی ۔


جیون[لکھو]

ماسٹر طفیل 1916 نوں منڈیراں، ضلع جلندھر پنجاب وچ جمے ۔ پنجاب دی ونڈ مگروں لہندے پنجاب آگئے ۔ ملتان تے فیر لہور رہائش اختیار کیتی ۔ طفیل جلد ای ملتان دے ثقافتی حلقےآں وچ مشہور ہوگئے ۔ ماسٹر طفیل نوں طفیل نیازی وی کہیا جاندا اے ۔ اوہ ذات دے لحاظ نال نیازی نئیں سی ۔ پی ٹی وی دے سینیئر پروڈیوسر تے منیجنگ ڈائیریکٹر اسلم اظہر نے اوہناں دا ناں طفیل نیازی رکھیا سی کیوں کہ طفیل نے اوہناں نوں دسیا کہ پیر نیاز علی شاہ میرے پیر سی ۔

گائیکی[لکھو]

طفیل نے ریڈیو پاکستان لئی گوݨا شروع کیتا ۔ 26 نومبر 1964 نوں لہور وچ پاکستان ٹیلی ویژن دا افتتاح ہویا ۔ اس دن اوہناں نے لائیڡ پرفارم کرن والے پہلے لوک گلوکار ہوݨ دا اعزاز حاصل کیتا ۔ طفیل نے اس تریخی پرفارمنس لئی اپݨے مشہور گیت لائی بے قداراں نال یاری تے ٹُٹ گئی تڑَک کر کے دا انتخاب کیتا۔ اوہناں دے مشہور گیتاں وچ ساڈا چِڑیاں دا چمبا وے بابل اساں اُڈ جاݨا ورگے بے مثال پنجابی لوک گیت شامل نیں ۔

مشہور گیت[لکھو]

  • ساڈا چِڑیاں دا چمبا وے بابلا اساں اُڈ جاݨا
  • لائی بے قداراں نال یاری تے ٹُٹ گئی تڑَک کر کے
  • میں نئیں جاݨا کھیڑےآں دے نال
  • ماہی وے تیرے دیکھݨ لئی چُک چرخا گلی وِچ ڈاہواں
  • اوݨ نھیریاں جاڻ نھیریاں نی کبوتر بݨ کے پاواں پھیریاں
  • وے توں نیڑے نیڑے وَس وے ڈھولݨ
  • گَل سُݨ جا کُڑیئے مٹیارے

لوک وِرثا[لکھو]

1970 دے دہاکے وچ اوہ لوک ورثا دے ادارے نال وابستا ہوگئے ۔ عکسی مفتی دے نال اوہناں نے اسلام آباد وچ قومی انسٹی ٹیوٹ آف لوک اینڈ روایتی ورثا (لوک وِرثا) دے قیام تے استحکام لئی انتھک محنت کیتی ۔

فنی خدمات[لکھو]

طفیل نے پاکستان ٹیلی ویژن دے مشہور پروگرام لوک تماشا وچ آپ وی گیت گائے تے دوسرےآں دے گیتاں دیاں دُھناں وی ترتیب دِتیاں ۔ اوہناں نے لوک موسیقی وچ اپݨا منفرد انداز متعارف کرایا ۔ طفیل نیازی نے پہلاں نوٹنکیاں وچ شرکت کیتی تے ہیر رانجھا ، سوہنی مہینوال ، سسی پنوں تے پورن بھگت ، ورگے کلاسیکل ڈرامےآں وچ ہیرو دا کردار ادا کیتا ۔ فیر اپݨی اک سنگیت بݨائی ۔ جیہنے مختلف تھاں واں تے گائیکی دا سِلسلا شروع کیتا ۔


اعزازات[لکھو]

ماسٹر طفیل نیازی نوں حکومت پاکستان نے اوہناں دی فنی خدمات دے صلے وچ 14 اگست، 1982 نوں تمغا حسن کارکردگی عطا کیتا ۔


وفات[لکھو]

ماسٹر طفیل نیازی 21 ستمبر، 1990 نوں اسلام آباد وچ وفات پا گئے ۔


ہور دیکھو[لکھو]