فاتح مسجد

وکیپیڈیا توں
Jump to navigation Jump to search
فاتح مسجد
FatihMosque.jpg
تھاں
استمبول ترکی
مستری
عتیق سنان
بننا ٹری 1463
پوری ہوئی 1771


فاتح مسیت ترکی دے شہر استمبول دی اک جامع مسجد اے ، جہڑی سلطنت عثمانیہ دے ویلے چ اساری گئی ۔ ایہہ ]]استمبول[[چ اسلامی تے بازنطینی طرز تعمیر دا اک ملاپ اے۔


تریخ[لکھو]

فاتح مسیت [قسطنطنیہ]] دے ترک سلطان محمد فاتح دے ہتھ آن توں مگروں اودے کہن (حکم) تے بنائی گئی ۔ ایہہ مسجد فتح قسطنطنیہ دے بعد اساری جانہہ آلی پہلی مسیت سی ۔ تعمیر دے ماہر عتیق سنان نے 1463ء توں 1470ء دے ویلے چ اس مسیت نوں اسارئیا ۔

مسیت دوالے مدرسے ، کتب خانہ ، شفا خانہ ، مسافر خانہ ، کاروان سرائے ، بازار ، حمام تے لنگر خانہ بنا‎ۓ گۓ۔ ویلے دے نال نال ایتھے کجھ قبراں وی بنئیاں ۔ اصلی کوٹھا 325 میٹر چ مربع مورت دی سی ۔


سلطان محمد فاتح دی بنائی گئی مسجد 1509ء دے زلزلے چ ٹٹ گئی جسنوں فیر ٹھیک کیتا گئیا ۔ 1557ء تے 1754ء دے بھچالاں چ اک وار فیر مسیت تے اثر پئیا تے اک وار فیر اس دی مرمت کیتی گئی ۔ پر 22 مئی 1766ء چ آنہہ آلے زلزلے چ اس مسیت پوری ڈگ گئی ۔ ہن والی مسیت سلطان مصطفی III دے حکم تے معمار محمد طاہر نے 1771ء چ بنائی جہڑی اصل مسیت نالوں بلکل مختلف انداز چ تعمیر کیتی گئی ۔


مسیت دا صحن ، مرکزی داخلی بوہا تے میناراں دے تھلڑے حصے ای پہلی تعمیر دا حصہ نیں جنہاں تے 1771ء چ مسیت دوبارہ اساری گئی ۔

مسیت دی پھلواری چ سلطان محمد فاتح تے اسدی ملکہ گل بہار خاتون دی قبراں نیں ۔ مسیت دے احاطے ج سلطان محمد فاتح دی ماں نقش دل سلطانہ دی قبر وی موجود اے ۔