فریڈرک باربروسا

آزاد انسائیکلوپیڈیا، وکیپیڈیا توں
جرمنی دے اک شہر چ لگا باربروسا دا مجسمہ

فریڈرک اول المعروف باربروسا ( 1122ء - 1190ء ) 4 مارچ 1152ء نوں شاہ جرمنی تے 18 جون 1155 نوں مقدس رومی سلطنت دا سربراہ بنیا ، اوہ 1154ء توں 1186ء تک شاہ اٹلی وی رہیا ۔

فریڈرک صلیبی جنگاں دے سلسلے دی تیجی صلیبی جنگ دے دوران 10 جون 1190ء نوں جنوب مشرقی اناطولیہ دے اک دریا چ ڈب کے مرگئیا ۔ اس دی موت دی حقیقی وجہ دے بارے چ تاں یعقین نال نئین کہیا جا سکدا تاہم ایہہ خیال کیتا جاندا اے کہ اسنوں گھوڑے نے دریا دے ٹھنڈے پانی چ ڈیگ دتا تے زائد العمری دی وجہ توں اوہ دل دا دورہ پین نال مرگئیا ۔

فریڈریک باربروسا (گھبے) برابر چ اسدے دو بچے ، بادشاہ ہنری چہارم (سجے بنھے) تے ڈیوک فریڈریک چہارم (کبھے بنھے) (ویلف کرونیکل)

فریڈرک دی موت دے بعد اس دی فوج زبردست افراتفری تے پھٹ پئے گئی تے اکثریت ترکآں دے حملیاں دا نشانہ بن گئی تے بہت ساریاں نے بھکھ تے افلاس دی وجہ توں خودکشی کرلئی ۔ عکہ دا محاصرہ کرن والے صلیبی دستے دے صرف 5 ہزار سپاہی بچے ۔ باربروسا دا پتر فریڈرک ششم اپنے پیؤ دی لاش یروشلم چ دفن کرن دی تمنا لئی صلیبی جنگ چ شریک سی ۔ اک تاں عیسائی صلاح الدین ایوبی توں بیت المقدس واپس نا لے سکے تے دوجا ایہہ کہ اسدی لاش نوں محفوظ کرن دیاں ساریاں کوششاں ناکام ہوگئیاں ۔

دوجی جنگ عظیم دے دوران 1941ء چ سویت یونین تے نازی جرمنی دی جاحیت نوں وی فریڈرک دے ناں تے ای آپریشن باربروسا دا ناں دتا گئیا سی ۔