مکران

وکیپیڈیا توں
Jump to navigation Jump to search
مکران دے پہاڑ

مکران پاکستان وچ لہندے پاسے عرب سمندر دے کنڈھے اُتے اک علاقا اے ۔ [1][2] مکران کوسٹل ہائی وے ایتھے دی مشہور تے بڑی سڑک اے ۔

مکران[لکھو]

گوادر سمندر

مکران دا وڈا حصا پاکستان وچ اے جیہڑا 25 ہزار مربع میل تے پھیلیا ہویا اے تے ایہدی آبادی تقریبن 6 لَکھ اے ۔ ایہدا صدر مقام تربت اے ۔ گوادر ، پنجگور ، تربت تے جیوانی وغیرا مکران دے اہم شہر نیں ۔

ایرانی مکران[لکھو]

مکران دا اک حصا ایرانی صوبہ سیستان و بلوچستان چ واقع اے جیہڑا 22 ہزار مربع میل تے تقریبن 5 لَکھ دی آبادی اتے مشتمل اے ۔ ایہدے وڈے شہراں وچ ایرانشہر‏ ، سراوان‏ ،‏ سرباز ، نیک شہر‏ ، چاہ بہار ، کنارک تے جیرفت ‏‏ شامل نیں ۔

لوک[لکھو]

مکران وچ مکرانی ، افریقی تے کچھ ہور نسلاں دے لوک رہندے نیں ۔

تریخ[لکھو]

مکران نوں برصغیر دا علاقہ منیا جاندا اے تے پراݨے ویلے وچ ایران دی ہخامنشی سلطنت نے ایہدے اُتے مَل مار کے ایہنوں اپݨا اک صوبا (ساتراپی) بݨا لیا سی ۔ ایس ساتراپی دا نام ماکا سی ۔ اگے چل کے ایس علاقے دا نام مکران پیا ۔ ایس علاقے دا نام کئی روپاں وچ تریخ وچ جاݨیا گیا ۔ جویں کہ ماکیتا ، اتادِ ۔ بابلی وپاریاں نے برصغیر جاؤݨ لئی مکران دا راہ استعمال کیتا ۔ [3] سکندر نے وی ایس رستے دا استعمال کیتا ۔ چینی تیرتھ یاتری ہیون سانگ جدوں چھیویں یا ستوی صدی عیسوی وچ اتھوں نکلیا تاں اوہنے اپنے ورتانتوں وچ لکھیا کہ اتھے ہندو تے بودھی بسے ہوئے سن ۔ جیہناں دی لپی ہندستان دی مکھ بھومی آلی سی ۔ [[4] ] ہُݨ وی وی ایس علاقے وچ ہندواں دے تیرتھ ملدے نیں جیہناں وچ ہنگلاج ماتا دا تیرتھ بوہت اہمیت رکھدا اے ۔

جغرافیا[لکھو]

مکران دا ساحلی علاقا میدانی اے پر سمندر توں کچھ ای دوری تے پہاڑ موجود نیں ۔ مکران دے 1،000 کلومیٹر لمبے ساحل وچوں 750 کلومیٹر پاکستان وچ اے ۔ اتھے مینھ گھٹ ہوݨ دی وجہ نال ماحول خشک تے ریگستانی اے ۔ ایس پاروں اتھے آبادی گھٹ اے تے زیادہ تر لوک کچھ بندرگاہی بستیاں تے شہراں وچ رہندے نیں جیہناں وچ گوادر ، جیوانی ، پسنی تے اورماڑا شامل نیں ۔ مکران وچ اک جزیرا وی اے ۔ ایہدا نام استولا اے ۔ ایہ غیر آباد جزیرا اے ۔

ہور دیکھو[لکھو]


حوالے[لکھو]

  1. http://www.dostpakistan.pk/makran-the-makran-coast/
  2. http://www.himalayanholidays.pk/baluchistan_makrancoast.html
  3. The history of antiquity, Maximilian Wolfgang Duncker, translated from the German by E. Abbott, 1879, pp. 363-364, ... The Babylonians were already or subsequently became acquainted with the navigation on the Persian Gulf. Their voyages extended to the bold headland of the mountains of Maketa (Cape Mussendom), where it was possible to enter into direct communication with the Indians ...
  4. Al-Hind: Early medieval India and the expansion of Islam, 7th-11th centuries By André Wink Page 137

متناسقات: 25°18′19″N 60°38′28″E / 25.30541°N 60.64108°E / 25.30541; 60.64108