پاکستانی پنجابی ناٹک
پاکستانی پنجابی ناٹک، شاعری، ناول تے کہانی دے ٹاکرے تے پاکستان وچ پنجابی ناٹک دی ترقی دی تور دھیمی اے۔ پاکستان وچ اک طبقہ ایہوجئے لوکاں دا اے جیہڑا ڈرامے نوں مذہبی سوچ وجوں اسلام دے بنیادی اصولاں دے خلاف تصور کردا اے۔[۱]پاکستان وچ پنجابی ناٹک دی تور نوں تنّ کیٹیگریاں وچّ ونڈیا جا سکدا اے۔
- سٹیج ناٹک
- ریڈیو ڈرامے
- ٹیلی ویژن سیریل/ناٹک[۲]
پاکستانی پنجابی سٹیج ناٹک جیہڑے کتاباں وچ چھپے ہوئے ملدے نیں اوہ اس طرحاں نیں:
- مصلی : میجر اسحاق محمد
- توں کون : سرمد صہبائی
- قصہ دو بھراواں دا : منیر نیازی
- مت : اختر کشمیری
- سہانا خواب : محمد نواز
- ست رنگ : نذر فاطمہ
ایہناں مولک ناٹک توں چھٹّ دوسریاں بولیاں توں پنجابی وچ ترجمہ ہو کے چھپے ناٹک وی ملدے نیں۔[۳]پنجابی سٹیجی ناٹک دے ٹاکرے تے ریڈیو ڈرامے ودھیرے چھپے تے نشر ہوئے نیں۔ [۴]لاہور ریڈیو سٹیشن توں اردو دے اثر ہیٹھ پنجابی ڈرامے وی نشر ہون لگ گئے۔ پنجابی وچ ریڈیو ناٹک دی چھپی پہلی کتاب ہوا دے ہوکے دے لکھاری سجاد حیدر نیں۔ سجاد حیدر نے سورج مکھی، پتن، وی لِکھے نیں۔ اس توں علاوہ عائشہ اشرف نے دھرتی دیاں ریکھاں، بدلاں دی چھاں، اشفاق احمد، فخر زمان، محمد نواز نے ریڈیو ناٹک دی رچنا کیتی۔[۵] پاکستان ٹیلی ویژن اُتے پنجابی دے جیہڑے ڈرامے دکھائے گئے نیں اوہناں وچوں صِرف دو کتابی روپ چھپ کے سامنے آئے۔ اک تاں بانو قدسیہ دے ڈرامیاں دا مجموعہ آسے پاسے اے، دوجی کتاب منو بھائی دی رچنا زنجیر اے۔ لکھاری دا ایہہ 20-25 منٹ دیاں 13 قِسطاں دا ٹی وی سیریل 3 وار ٹیلی کاسٹ ہو چکیا اے۔[۶] سمچے پاکستانی پنجابی ناٹک وچلیاں ساریاں رچناواں خاص طور تے بھاشنی ریڈیائی پہلو نوں سامنے رکھ کے رچیاں گئیاں نیں۔ اس کرکے کچھ نوں چھڈ کے باقی سبھ دیس دی چال دے مطابق نیں۔ جو مدھکالی ادب نوں دیکھن توں اگے نہیں تُر سکے۔[۷]