پنجابی چ پہلی وار
- بابا فرید الدین گنج شکر نون پنجابی دا پہلا شاعر منیا جاندا اے۔
- شریف کنجاہی نے پہلی پنجابی نظم (1938) لکھی۔
- مولا بخش کشتہ پنجابی چ اپنا دیوان آپ چھپواؤݨ واݪے پہلے شاعر نیں۔
- پنجابی چ پہلا ناول ویر سنگھ نے "سندری" دے ناں ناݪ 1897 چ لکھیا۔
- پنجابی چ پہلا افسانہ 1921 چ لال سنگھ نے "کملا اکالی" دے ناں نال لکھیا۔
- دت سنگھ نے "سپن ٹانک" دے ناں نال پہلا پنجابی ڈراما لکھیا۔
- پنجابی چ شعراں چ پہلا سفرنامہ گرو نانک دا حاضر نامہ اے۔
- لکھت چ پہلا پنجابی سفرنامہ "ایشیاء دی سیر" دے ناں نال 1898 چ چھپیا۔
- انشائيا لکھݨ دا مڈھ مشتاق باسط دے انشائیاں دی کتاب "سکھ دا ساہ" دے 1976 چ چھپݨ ناݪ ہویا۔
- پنجابی ج مزاح دی پہلی کتاب انور علی دی "کاݪیاں اٹاں کاݪے روڑ" (1972) اے۔
- پنجابی دی پہلی گریمر 1812 چ ڈاکٹر کیری نے سیرام پور توں چھاپی۔[۱]
- جے نیوٹن نے 1854 وچ پہلی پنجابی ڈکشنری چھپوائی۔
- پنجابی وچ پہلی لکھت 990 ہجری وچ "مواعظ نوشا پیر" دے ناں ناݪ لکھی گئی۔
- پنجابی کتاباں دی پہلی لسٹ: پنجابی کتابیات ڈاکٹر شہباز ملک نے 1991 چ لکھی۔[۲]
- ڈاکٹر شہباز ملک پنجابی دے پہلے پی ایچ ڈی نیں۔
- پنجابی وچ لکھے گئے آرٹیکلاں دی پہلی لِسٹ 1984 وچ اقبال صلاح الدین نے لکھی۔
- حافظ برخوردار نے اپݨی کتاب مفتاح الفقہ وچ 1670 وچ پہلی واری لفظ پنجابی بولی لئی ورتیا۔
- پنجاب دا ناں شیر شاہ سوری دے ویلے توں (1545 - 1540) رواج وچ آیا۔
- پنجابی دا پہلا وڈا انسايیکلوپیڈیا پنجابی وکیپیڈیا اے۔
- پنجابی دی پہلی فلم پنڈ دی کڑی 1935 وچ بݨی۔