ڈپٹی کمشنر

وکیپیڈیا توں
Jump to navigation Jump to search

ڈپٹی کمشنر سرکاری نوکری دا اک افسری عہدا اے۔ ڈپٹی کمشنر ناں دا عُہدا برطانوی سابق نوآبادی مُلکاں چ انتظامیہ، پولیس، ٹیکس وصولی تے ہور وکھو وکھ محکمیاں چ موجود اے۔ ڈپٹی کمشنر نوں ڈی سی وی کہیا جاندا اے۔

پاکستان چ ڈپٹی کمشنر[لکھو]

پاکستان چ ڈپٹی کمشنر دا عُہدا فیڈرل بورڈ آف ریوینیو چ انکم ٹیکس تے اِن لینڈ ریوینیو دے کھیتراں لئی ورتیا جاندا اے۔ ایس توں علاوہ ڈپٹی کمشنر دا عُہدا صوبائی محکمہ مال دے عہدے دار تے ضلعے دے انتظامی سرکاری افسر دے طور تے موجود اے۔ پاکستان چ ڈپٹی کمشنر دے کول ضلعی مجسٹریٹ دے اختیار وی ہُندے نیں۔ ڈویژن دا انتظامی افسر ڈویژنل کمشنر ڈپٹی کمشنر توں اُپر تے تحصیل دا انتطامی افسر اسسٹنٹ کمشنر ڈپٹی کمشنر توں تھلے ہُندا اے۔ پنجاب چ ڈپٹی کمشنر دے تھلے ضلعے وچ ای وکھو وکھ کھیتراں دے 3 ایڈیشنل ڈپٹی کمشنر ہُندے نیں جیہڑے ایڈیشنل ڈپٹی کمشنر (ریوینیو)، ایڈیشنل ڈپٹی کمشنر (جنرل) تے ایڈیشنل ڈپٹی کمشنر (فنانس) نیں۔

محکمہ پولیس چ ڈپٹی کمشنر[لکھو]

کچھ برطانوی نوآبادی مُلکاں چ ڈپٹی کمشنر محکمہ پولیس دا اک عہدہ اے۔ ایہناں مُلکاں چ تھلے دتے گئے مُلک شامل نیں۔

دوجے محکمیاں چ ڈپٹی کمشنر[لکھو]

بھارت تے بنگلہ دیش چ محکمہ پولیس توں علاوہ انکم ٹیکس تے ریوینیو دے محکمیاں چ وی ایہ عُہدا ورتیا جاندا اے۔