گردوارہ چو آ صاحب
| گردوارہ چوآ صاحب ਗੁਰੂਦਵਾਰਾ ਖੂਹ ਸਾਹਿਬ | |
|---|---|
 | |
| عمومی معلومات | |
| معماری طرز | سکھ فن تعمیر |
| شہر یا قصبہ | قلعہ روہتاس |
| ملک | پنجاب، پاکستان |
| تکمیل | 1834ء |
گردوارہ چو آ صاحب پاکستان وچ ضلع جیلم دے نیڑے قلعہ روہتاس دے کابلی دروازے دے باہر اِک تریخی تھاں اے۔ ایس دا تریخی ناں گرو نانک دے ایتھوں سومے نوں تورن توں لیا گیا اے۔ ایتھے ہر سال کتک دے مہینے وچ ایک بھرواں میلہ لگدا اے۔
تریخ
[سودھو]چو آ صاحب اِک تریخی تھاں اے جیہڑی قلعہ روہتاس دے کابلی دروازے توں باہر گھان ندی کنارے اے۔ گرو نانک جدوں ٹلہ جوگیاں توں چل کے ایتھے آئے تے اوس ویلے ایہہ تھاں سنسان سی تے ایتھے کوئی وسوں نئیں سی۔ گرو نانک نے اپنے سوٹے نال ایتھوں اِک سوما توریا۔ پانی دے سومے نوں ’’چو آ‘‘ آکھیا جاندا اے۔ ایس واسطے ایہدا ناں چو آ صاحب مشہور ہوگیا۔ بعد وِچوں شیر شاہ سوری نے ایتھے اپنا اِک وڈا قلعہ بنوایا جیہڑا قلعہ روہتاس دے ناں نال مشہور ہویا۔ قلعہ روہتاس دے بنن ویلے چو آ صاحب دِی تھاں قلعے دے باہر والے پاسے وچ آ گئی جہیڑی ہُن کابلی دروازے دے باہر اے۔ قلعے دے لوک ایس چوئے توں ہی پانی ورتن لئی لے جاندے سی۔ مہاراجہ رنجیت سنگھ دے حکم نال 1834 وچ اجوکی عمارت بنوائی گئی جیہڑی بڑی سندر سی۔ ایس سے اِک پاسے گھان ندی تے دُوجے پاسے بنیا قلعہ تے باقی دو پاسے جنگل اے۔ ایتھے اپڑن لئی قلعہ روہتاس دے اندروں وِی اِک راہ اے۔ مہاراجہ رنجیت سنگھ ولوں 260 روپئے دی 27 گھماؤں زمین ایس گردوارے نوں دِتی گئی سی۔ ہر سال 15 کتک شدی نوں ایتھے میلہ لگدا اے۔[۱]
ہور ویکھو
[سودھو]حوالے
[سودھو]- ↑ پاکستان وِچ سکھاں دِیاں تریخی تے پوتر تھاواں، صفحہ 178۔